የህጻናት ጥምቀት

ልጅ ዮናስ ቀልድ እና ቁም ነገር!

“ሁለት ቀን ለመኖር አራት ቀን አትጨነቅ” ..... "አሁን ገና በራልኝ አለች እብድ ቤትዋን አቃጥላ!!" ዘና ብላችሁ ተቀመጡና አንድ አሪፍ ታሪክ ላውጋችሁ! (ዘወትር ቅዳሜ ይጎብኙን)

Thursday, 1 August 2013

የህጻናት ጥምቀትhttp://yonas-zekarias.blogspot.com.tr/2013/08/blog-post.html

በኦርቶዶክስ ተዋህዶ እምነት እና በፕሮቴስታንቶች በጥምቀት ላይ ያለ ልዩነት

በጥምቀት ላይ ያለው ልዩነት በአምስት ከፍለን ሊጠቃለል ይችላል እነዚህም ፡-

1. በኦርቶዶክስ ተዋህዶ እምነት በጥምቀት ድህነትን፣ መንጻትን፣ ፍትህን፣ አዲስ ሕይወትንና በክርስቶስ ክርስቲያን መሆንን ያስገኛልን ወይስ እንደ ፕሮቴስታንት እምነት እነዚህ ሁሉ በማመን ብቻ ይገኛል; በማመን ብቻስ ከሆነ ለምን መጠመቅ ያስፈልጋል ታድያ

2. መጠመቅ የክርስቲየን ምልክት ነው ወይስ ጌታ ስላዘዘ ብቻ ለትዕዛዙ ሲባል ነው፡፡ የምንጠመቀው /ማቴ.28፣19/

3. እኛ ጥምቀትን ከሚሰጥራተ ቤተክርስቲያን አንዱ ነው ብለን እናምናለን ፕሮቴስታንቶች ግን ይህንን አያምኑም፡፡

4. እኛ ውሀ ውስጥ እናጠምቃን እነርሱ ግን በመርጨት ያጠምቁም፡፡

5. እኛ ህፃናን ስለቤተሰቦቻቸው እምነት እናጠምቃለን፣ ፕሮቴስታንቶች ግን ሕፃናትን በማጥመቅ አያምኑም ምከንያቱም ሲሰጡ ‹‹ከጥምቀት ማመን መቅደም አለበት›› ይላሉ፡፡

የፕሮቴስታቶች የተቃውሞ ነጥቦች

1. ጥምቀት ባይኖር እምነት ብቻውን አይበቃምን?

2. የተሰቀለው ወንበዴ/ፈያታዊ ዘየማን/ሳይጠመቅ እንዴት ዳነ?

3. ውሃ ልጅነት አዲ ሕይወትን ሊሰጥ ይችላልን?

4. ጥምቀት የሕይወት መታደስ ከሆነ ለምን ደግመን እንበድላለን? /ኃጢያት እንሰራለን/

5. አንድ ሕፃን ከተጠመቁና ኃጢያታቸው ይቅር ከተባለላቸው ቤተሰቦች ከተወለደ የቤተሰቦቹን ኃጢያት እንዴት ሊወርስ ይችላል

6. ሐዋያት ስለክርስቶስ እና ስለ ቤተክርስቲያን ግንኙነት ሲገልጽ ባሎች ሆይ ክርስቶስ ደግሞ ቤተክርስቲያን እደወደዳት ሚሰቶቻችሁን ውደዱ በውሃ መታጠብ ከቃሉ ጋር አንፅቶ እንዲቀድሳት ስለ እርስዋ ራሱን አሳልፎ ሰጠ፡፡ /ኤፌ ተ፣26/ ይላል፡፡ ታዲያ በጥምቀት ያው ውሃ የቃል ተምሳት ነውን?

ሕፃናትን ማጥመቅ

የጌታችንን ‹‹ ያመነ የተጠመቀ ይድናል›› የሚለውን ቃል በመንተራስ ፕሮቴስታንቶች ከማጥመቅ ይልቅ እምነት ይቀድማል በማለት ሕፃናጽን አያጠምቁም፡፡ ታዲያ ጥምቀት ያለ እምነት እምነትና እውቀት እንዴት ይከናወናል

እኛ ግን ሕፃናት እንዲጠመቁ እንላለን፡፡ ምክንያም፡-

ሀ. እኛ የምናስበው ስለ ሕፃና ሰማያዊ ሕይወት ነው፡፡ የኸውም ጌታችን ‹‹እውነት እልሃለሁ ሰው ከውሃና ከመንፈስ ካልተወለደ በቀር ወደ እግዚአብሔር መንግሥት ሊገባ አይችልም፡፡›› /ዩሐ.3.5/ ስላለ ነው፡፡ ታዲያ ስለምን ሕፃናትን አናጠምቅም? ስለምንስ ለእግዚአብሄር ፍርድ አሳልፈን እንሰጣቸዋለን? ጌታችን የላይኛውን ኃይለ ቃል ሲናር ሕፃናትን አልተወም፡፡

ለ. በማጥመቅ ሕፃናት የቤተ ክርስቲያን ሕይወት ይለማመዱታል፡፡ በጥምቀት መንፈሳዊ ጥቅም እና፣ የሰማያዊውን ምስጢር ደስታ ያገኛሉ፣ በቤተክርስቲያን ውስጥ ያሉ ፀጋን የሚያሰጡ ምስጢራትን ውጤታቸውን በሕይወታቸው ይቀምሱታል፡፡ እኛም በዚህ መንገድ ሕፃናን ለክርስትና ሕይወት በተግባር እንዲዘጋጁ እናደርጋቸዋለን፡፡ ከቤተ ክርስቲያ ካገለልናቸው ግን እምነትንና የፀጋ ምክንያቶችንም መከልከላችን ነው፡፡

ሐ. ‹‹ ያመነና የተጠመቀ ይድናል›› የሚለው የጌታ አባባል የጎልማሶችን እምት የሚያመለክት ነው፣ ምንያቱም ጎልማሶች ሊያመዛዝኑ ስለሚችሉ ነው፡፡ ስለዚህም ነው እኛ ጎልማሶችን ካላመኑ የማናጠምቃቸው፣ ለሕፃናት ግን ‹‹ሕፃናትን ተውአቸው ወደ እኔም ይመጡ ዘንድ አትከልክሏቸው፡፡ መንግሥተ ሰማያት እንደነዚህ ላሉ ናትና፡፡›› /ማ.19.14/ የሚለው የቤታችን ቃል ተፈጻሚ ይሆናል፡፡

ከእምነት አንፃር ሕፃናት ሁሉንም ነገር ሊቀበሉና ሊያምኑ በሚችሉበት ሁኔታ ላይ ነው ያሉት፣ እምነትን አይቃረኑም ወይም አንቀበልም አይሉም፡፡ በጎልማሶች ነው እንጂ በዓመ ሕፃና መጠየቅና መጠራጠር የለም፡፡ ይህም ከሰማያዊ መንግሥት አያግዳቸውም እነርሱን ማጥመቅ ‹‹ነፃ ድህነት ‹‹ ብለው ከሚያስተጋቡት ከወንድሞችን ከፕሮቴስታንቶች መፈክር ጋር የሚስማማ ነው፡፡

መ. በእምነት ጉደይ ላይ በአነጋገር ጥብቅ ከሆንን፣ የእምነትን ጥልቀትና ምንነት ሊረዱ የማይችሉ እጅግ ብዙ ሰዎችን ለምሳሌ በአእምሮ ያልበሰሉ ጎልማሶችን ያልተማሩ ገበሬዎችን ወዛደሮችን እና ወዘተ . . . ነገረ መለኮታዊ እውነታዎችን ሊያውቁ የማይችሉ ሰዎ የቱ ድረስ ነው የእምነታቸው ሁኔታ ታድያ እንደ ሕፃናት መጠመቅን ልንከለክላቸው ይገባልን? ብለን እንጠይቃን፡፡

ሠ. አንዳዶች ሕፃናት ሲያድጉ እምነቱን ቢተውትስ? ብለው ይጠይቃሉ፡፡ ያ ሕፃን እንደ ከሃዲ ይቆጠራል ምክያቱም በጥምቀት የተቀበለውን ፀጋ በነፃ ፈቃዱ ክዷል፡፡ እኛ ግን ስለሱ ያብንን ግዴታችንን ተወጥተናል፡፡ ሌላው ጉዳይ ሁሉ ለእርሱ የሚተው ነው፡፡ ‹‹እርሱም በመንፈስ እንደ ጀመረ አሁን ደግሞ በስጋ ሁሉን ለመፈጸም እንደሚሞክር ሆኖአል፡፡ እንግዲህ የማታስተውሉ ናችሁ? በመንፈስስ ጀምራችሁ አሁን በሥጋ ትፈጽማላችሁን? /ገላ.33/እንዳ ሐዋርያው ምናልባትም የተጠመቁና ሕይወታቸው በቤተክርስቲያን የሆነ ትንሽ ሕፃናት የእግዚአብሔር ፀጋ ስለ ቀመሱ፣ እስኪያድጉ ድረስ ትንንሽ ሕፃናት የእግዚብሄር ፀጋ ስለ ቀመሱ፣ እስኪያድጉ ድረስ ካልተጠመቁት ይልቅ ለክህደት ብዙ የተጋጡት አይሆኑም፡፡

ረ. ሕፃናትን ማጥመቅን የማያምኑ፣ በርግጥ በጥምቀት መዳን እንደሚገኝ የሚክዱ ናቸው/ ማር.16.16/ ምክንያቱም ጥምቀት ለመዳ እንደሚያስፈልግ ቢያምኑ ኖሮ ሕፃናትን ከድኅነት ባለከለከሏቸውም ነበር፡፡ ደግሞ እምነት የሌላቸው ስለሆነ ያላመኑትና ያልተጠመቁት ሕፃናት መድረቸው የት ነው? ጥያቄው መልስ የለውም

ሸ. መጽሐፍ ቅዱሰ ይህን ስለሚያመለክት እኛ ሕፃና እናጠምቃለን፡፡ መጽሐፍ ቅዱስ የሙሉ ቤተሰብን መጠመቅ ወይም አንድ ሰው ራሱና ቤተሰቡ ሁሉ ሲጠመቁ ያለክታ፡፡ ታዲያ በነዚህ ቤተሰቦች ውስጥ ሕፃናት እደነበሩ ምም ጥርጥር የለውም፡፡

እነዚህ ጥቂት ምሳሌዎች ናቸው፡፡

- በፊሊጲያ ለወኀኒ ጠባቂው ቅዱስ ጳውሎስና ሊላስ ‹‹ በጌታ ኢየሱ ክርስቶስ እመን አንተና ቤተሰቦችህም ትድናላችሁ/ ሐወ.16፣315/ አሉት፡፡ ይህ ማት የጠባቂው እምት የመጀመሪያ እምነት ሆኖ ቤተሰቡን ወደ ድኃነት ይመራ፡፡ ከዚያ በኃላ ነው ‹‹ለእርሱና በቤቱም ላ ሁሉ የእግዚአብሄርን ቃል ተናገሩላቸው፡፡ በሌሊትም በዚያች ሰዓት ወስዶ ቁስላቸውን አጠበላቸው ያን ጊዜውንም እርሱ ከቤተሰቦቹ ጋር ተጠመቀ፡፡›› /የሐዋ.ሥራ 16፣32/ የተባለው፡፡ መጽሐፍ ቅዱ ከወኀኒ ጠባቂው ቤተሰብ ሕፃናትን ያለጥርጥር ቸምሮ ነው፡፡

• የቀይ ሃር ሻጭዋ የሊዲያ ጥምቀት ‹‹ እርሷ ከቤተሰቦቿ ጋር ከተጠመቀች በኃላ ‹‹/የሐ.ሥራ 16፣15/ተብሎ ተጽፏል፡፡

• ቅዱስ ጳውሎስ ‹‹የእስጢፋስንም ቤተሰቦዎች ደግሞ አጥምቄአለሁ ጨምሬ ሌላ አጥምቄ እንደሆነ አላውቅም›› /1ኛ ቆሮ.1፣16/አለ ታዲያ እነዚህ ሁሉ ቤተሰቦች ያለ ሕፃን ይሆናሉ?

• በእለተ ጴንጤቆስጤ ከተጠመቁት መካከል ህናፃና ያለመኖራቸውን መጽሐፍ ቅዱስ አያመለክትም፡፡

በታሪክም ህፃናትን ማጥመቅ ተጽፎ ይገኛል፡፡ ስዚህም በቅዱስ ወይንስ የተወለደ?/ የተደረገውን ክርክር እንጠቅሳለን፡፡ ቅዱስ አውግስቲን ከሰው የሚወለድ ነው ›› አለ፡፡ ቅዱስ ጀሮም ደግሞ ‹‹የሚፈጠር›› ነው አለ፡፡ ቅዱስ አውግስቲንም የሚፈጠር ከሆነ የአዳምን ኃጢያት አይወርስም፡፡ ስለዚህ ለምን ህፃናትን እናጠምቃን? ሲል ጠይቆታል፡፡ ቅዱስ ጀሮም ለዚህ ሊመልስ አልቻለም፡፡

ሕፃናትን ማጥመቅ የሚከለክል አንድ ጥቅስ እንኳን በመጽሐፍ ቅዱስ የለም፡፡

ከእምነት አንፃር፣ ሕፃናትን ስለቤተሰቦቻቸው እምነት እናጠምቃለን፡፡ ይህም በመጽሐፍ ቅዱስ ብዙ ምሳሌዎች አሉት ለምሳሌ፡-

ሀ. የኦሪቱ ግዝረት የጥምቀት ምሳለ ነው ቀድሞ እንደገለጽነው የተገረዘው ከእግዚአብሔር ሕዝብ ይቆጠር ነበር ምክንያቱም በእግዚአብሔርና በአብርሃምና መካከል በተደረገው ኪዳ መሰረት ‹‹የሸለፈታችሁንም ሥጋ ትገርዛላችሁ በእኔና በእናነተ መካከል ላለው ቃል ኪዳኔ ምልከት የሆናል፡፡ ተብሎአል፡፡ /ዘፍ.7፣11/ ይህም ግዝረት የሚደረገው ሀፃኑ ከተወለደ በ89 ቀን መሆኑ የታወቀ ነው፡፡ ታዲያ በአብርሃምና በእግዚአብሔር መካከል ስላለው ኪዳ የ80 ቀን ህፃን ም ያውቃልን? ከእግዚአብሔር ህዝብ ጋር አንድነት መደመሩንስ ያውቃልን? ስለተስፋውስ ምን ያውቃል? ያጥርጥ እንዲህ ያለ ነገር አያውቅም፡፡ ነገር ግን ስለቤተሰቦቹ እምነት ተገርዞ የእግዚአብሔር ሕዝብ አባልና እግዚብሔር ለአባታችን ለአብርሃም የሰጠው የተስፋው ቃል ተካፋይ ይሆናል፡፡

ለ. ቀይ ባህርን መሻገር የጥምቀት ምሳሌ ነበር፣ ወይም ደግሞ በራሱ ጥምቀት ነበር ቅዱስ ጳውሎስ በመልዕክቱ ‹‹ሁሉም ሙሴን ይተባበሩ \ዘንድ በደመናና በባህር ተጠመቁ ሁሉም ያን መንፈሳዊ መብል በሉ፡፡›› 1ኛ ቁሮ.10፣2/በማለት እንዳስረዳው፡፡ ይኸውም ከሞ ከሰይጣንና ከኃጢያት ባርነት የመውጣት ምሳሌ ነው፡፡ ቀይ ባህርን የተሸገሩ ጎልማሶች ናቸው፡፡ እነርሱም እግዚአብሄር ለሙሴ የሰጠውን ተስፋ ጠንቅቀው ያውቁ ነበር፡፡ ለፈርኦን ባሮች እንደነበሩም፣ ከባነት በኃላ በእግዚአብሄር ኃይል መዳናቸውንም ጭምር ያውቃሉ ሕፃናቱም ቀይ ባህርን በተሻገሩ ጊጊ/ሲጠመቁ/ ድነዋል፣ ከባርነት ነፃ መጥተዋል፣ ተጠምቀዋል፡፡ ታዲያ ይ የተደረገላቸው በራሳቸው እምነት አልነበረም ነገር ግን በቤተሰቦቻቸው እምነት ነው እንጂ፣ ምንያቱም እነዚህ ህፃናት የተፈጸሙትን ሁኔታዎች አያውቋቸውም እነዚህ ህጻናት የተፈጸሙትን ሁኔታዎች አያወቀቋቸውም፡፡

ሐ. ሌላው እጅግ ጠቃሚ ምሳሌ በፋሲካው ጠቦት ደም የህፃናተ መዳን ነበር፡፡ ይኸውም በኩርን ከሚገድለው መልአክ እጅግ ይድኑ ዘንድ እግዚአብሄር ሙሴን የአንድ አመት ነውር የሌለበት ወንድ ፍየል ወይም በግ እንዲያርድና ደሙንም በበሮቻቸው መቃንና ጉበን እንዲቀቡት አዘዛቸው፡፡ ‹‹ደሙንም ባየሁ ጊዜ ከእናንተ አልፋለሁ፡፡››/ዘጸ.12፣13/ አላቸው፡፡

- ሐዋርያው የጠቦቱ ደም ድኀነት ያገኘንበት የኢየሱ ክርስቶ ደም ምሳሌ መሆኑ ‹‹ፋሲካችን ክርስቶስ ታርዷልና››/1ቆሮ.5፣5/ በማት አስረዳን፡፡

- ፋሲካው በግ ደም የዳኑት የነዚህ ህፃናት እምነት ምን ነበር? በጌታና በሙሴ መካከል ስለነበረው ኪዳን ወይም ስለፋሲካና በፋሲካው በግ ደም ከሞት ስለመዳን ምንያውቃሉያለጥርጥ ምንም አያውቁም፡፡ ነገር ግን ስለደሙ ጥቅም የፋሲካው በግ ደም ከሞት እንደሚያድን ቤተሶበቻቸው ስላመኑ ህፃነቱ ከሞት ድነዋል፡፡ በመገረዝ በፋሲካው ደምና ታላቁን ባህር በመሻገር የዳኑ ህጻናት እንዚህ ሁሉ ም መሆናቸውን ካደጉ በኃላ አውቀዋቸዋል በመሆኑም ድኅነትን ያለዋጋ ቀድመው አግኝተዋል፡፡

- ቤተሰቦቻቸው በእግዚአብሔር እና በሰዎች መካል በተደረጉ ተስፋዎችና ቃልኪዳኖች ስላመኑ ልጆቹም ሲያድጉ ወደ እምነቱ በተግባር ገብተዋል፡፡

(አንጻራዊ ትምህርተ መለኮት)

 

ወላዲተ አምላክ - ማርያም ..

Posted in ነገረ ቅዱሳንhttp://dhkidusraguel.org/index.php/temehertehaymanot-sec/saints/13-weladite-amlak-mariam

በቀሲስ ዶ/ር መስፍን ተገኝ

ቤተክርስቲያን ድንግል ማርያም ያላትን ክብር ለመግለጥ የተለያዩ ምሳሌዎችን ትሰጣለች ።እመቤታችን ቅድስት ድንግል ማርያም በቅዱሳን ሁሉ ስትመሰገን የምትኖር ናት ። እመቤታችን ያላትን ክብር እንዴት እንደሚገልጹት ተጨንቀው በምን በምን እንመስልሻለን በማለት ያላትን ክብር ለመግለጽ በሰው ህሊና የሚለካ ምሳሌ ማጣታቸውን ብዙ ቅዱሳን ተናግረዋል። በተለይም እመቤታችን ቅድስት ድንግል ማርያምን በማመስገን በቤተክርስቲያናችን ዘወትር የሚነሱት የሶርያው ቅዱስ ኤፍሬም ፤ የብህንሳው አባ ሕርያቆስ እና ኢትዮጵያዊው አባ ጊዮርጊስ ዘጋስጫ ይገኙበታል ። የእመቤታችንን ክብር ያለተረዱ ሰዎች ለምን እኛ ኦርቶዶክሳውያን እንደምናመሰግናት ዘወትር በጸሎታችን እንደምናነሳት ጥያቄ የሚያቀርቡ አሉ ። ሁሉም ኦርቶዶክሳዊ ክርስቲያን ከሕጻንነቱ ጀምሮ የእመቤታችንን ምስጋና ይማራል ሁልጊዜም ኣባታችን ሆይ ብሎ ጸሎት የጀመረ በመልኩ ቅዱስ ገብርኤል ሰላምታ ሰላም እንልሻለን ብሎ ድንግል ማርያምን ሳያመሰግን የሚቀር የለም ። ቤተክርስቲያናችን ድንግል ማርያምን ከፈጣሪ በታች ከፍጡራን ሁሉ በላይ በማለት ክብሯን ትገልጻለች። እኛም የእመቤታችንን ክብር ስንናገር ስለ እርሷ የተነገረውን በመረዳት መሆን ይገባል ። ድንግል ማርያምን ልዩ የሚያደርጋትና የክብሯ መገለጫ ከሆኑት የሚከተሉት ይገኙበታል።

1ኛ. ወላዲተ አምላክ መሆኗን

እመቤታችን ድንግል ማርያም ወላዲተ አምላክ ናት። አንዳንዶች የአምላክ እናት የኢየሱስ እናት በማለት ይጠራሉ በእርግጥ ይህ አጠራር በበጎ ህሊና አነጋገር ችግር ባይኖርበትም የትርጉም ፍቺ ላይ ችግረ እንዳያመጣ ወላዲተ አምላክ ብሎ መጥራት የበለጠ የተዋሕዶን ምሥጢር የሚገልጥ ይሆናልና ሁሉም ሰው ይህንን መጠሪያ ቢለምደውና ቢጠቀምበት ይመረጣል። አንዳንድ የመናፍቃን ድርጅቶች የኢየሱስ እናት ብለው እመቤታችንን የተቀበሉ ለማስመስል በራሪ ጽሑፍ የሚያሰራጩበት ጊዜ ነበር ምክንያቱም ወላዲተ አምላክ መባሏን የሚቃወሙ ነገር ግን የኢየሱስ እናት ብለው የሚጠሩ ከዚህ በፊት ነበሩና ያሳደገም እናት ተብሎ ሊጠራ ይችላልና። በተለይም ንስጥሮስ የተባለው ከሃዲ ድንግል ማርያም ወላዲተ አምላክ ልትባል አይገባም ብሎ በክህደት በመነሳቱ ዓለማቀፋዊ ጉባኤ እንዲጠራና ውግዘት እንዲተላለፍበት ሆኗል። እመቤታችን ወላዲተ አምላክ ናት የሚለው አነጋገር ጌታችን ኢየሱስ ክርስቶስ ከሥጋዋ ሥጋ ከነፍሷ ነፍስ ነስቶ ሰው መሆኑን ስለሚገልጽ ነው ። በመጽሐፍ ቅዱስ ከተጠቀሱት ውስጥ ጌታችን የተዋሐደው ሥጋ ከእመቤታችን መሆኑን አንዱን ለምሳሌ ያህል አንስተን መመልከት እንችላለን። ቅዱስ ጴጥሮስ የተናገረውን ማስተዋል ለዚህ መልስ ይሰጣል

“ዳዊት ስለ እርሱ እንዲህ ይላልና። ጌታን ሁልጊዜ በፊቴ አየሁት፥ እንዳልታወክ በቀኜ ነውና።ስለዚህ ልቤን ደስ አለው፥ ልሳኔም ሐሤት አደረገ፥ ደግሞም ሥጋዬ በተስፋ ያድራል፤ነፍሴን በሲኦል አትተዋትምና፥ ቅዱስህንም መበስበስን ያይ ዘንድ አትሰጠውም።የሕይወትን መንገድ አስታወቅኸኝ፤ ከፊትህ ጋር ደስታን ትሞላብኛለህ።ወንድሞች ሆይ፥ ስለ አባቶች አለቃ ስለ ዳዊት እንደ ሞተም እንደ ተቀበረም ለእናንተ በግልጥ እናገር ዘንድ ፍቀዱልኝ፤ መቃብሩም እስከ ዛሬ በእኛ ዘንድ ነው።ነቢይ ስለ ሆነ፥ ከወገቡም ፍሬ በዙፋኑ ያስቀምጥ ዘንድ እግዚአብሔር መሐላ እንደ ማለለት ስለ አወቀ፥ስለ ክርስቶስ ትንሣኤ አስቀድሞ አይቶ፥ ነፍሱ በሲኦል እንዳልቀረች ሥጋውም መበስበስን እንዳላየ ተናገረ።ይህን ኢየሱስን እግዚአብሔር አስነሣው ለዚህም ነገር እኛ ሁላችን ምስክሮች ነን” ሐዋ 2፡25—32.

በዚህ ቃል ላይ እንደተነገረው ቅዱስ ዳዊት ሥጋዬ ብሎ የሚጠራው በእርግጥ የማንን ሥጋ ነው ? ብለን ብንጠይቅ ክርስቶስ የተዋሐደውን ሥጋ መሆኑን ምንባቡ ይናገራል ። ዳዊት ሥጋዬ ብሎ የተናገረው በእርግጥም የእርሱ ሥጋ ነው ነገር ግን ሥጋዬ አይበሰብስም ብሎ ሲናገር ደግሞ ምሥጢራዊ ትርጉም እንዳለው ያመለክታል ፤ ይህ ሊሆን የሚችለው ጌታችን ኢየሱስ ክርስቶስ ከእመቤታችን ከሥጋዋ ሥጋ ከነፍሷ ነፍስ ሲነሳ ብቻ ነውና ። ወንጌላዊ ቅዱስ ማቴዎስ እና ቅዱስ ሉቃስ የጌታችን ኢየሱስ ክርስቶስ የልደት አቆጣጠር ብለው ያስቀመጡት ጌታችን ከእመቤታችን ቅድሰት ድንግል ማርያም የተዋሐደውን ሥጋ መሠረት አድርገው ነውና፤ ይህ ባይሆን ኖሮ የትውልድ ሐረግ ለመቁጠር ባልተነሱ ነበር ። ስለዚህ እኛ ኦርቶዶክሳውያን በሙሉ ወላዲተ አምላክ ብለን እናታችንን እንጠራታለን በዚህም የተዋሕዶን ምሥጢር እንመሰክራለን።

2ኛ. ዘላለማዊ ድንግል መሆኗን

እመቤታችን ድንግል ማርያም ክብሯ ከሚገለጽበት መንገድ አንዱ ዘላለማዊ ድንግልናዋን በመናገር ነው ። ድንግል ማርያም በሀሳብም በሥጋም ድንግል ናት ። የሀሳብ ድንግልና ማለት በህሊናዋ ከአንድ ሀሳብ በቀር መንታነት ያለው ሌላ ሀሳብ ፈጽሞ አለመኖሩን ለመግለጽ ነው። ከሰው ወገን የህሊና ድንግልና ያለው የለም ስለዚህ ድንግል ማርያም መልአኩ ቅዱስ ገብርኤል እንደተናገረው ከሴቶች ሁሉ ተለይታ የተባረከች ናት የምንለው ይህንኑ የህሊና ድንግልና ለመግለጽ ነው። እመቤታችንን ልጅ ትወልጃለሽ ብሎ ቅዱስ ገብርኤል ሲያበስራት “ ወንድ ስለማላውቅ ይህ እንዴት ይሆናል” ብላ መናገሯ የህሊና/የሀሳብ ድንግልናዋን የሚገልጽ ነው። የሥጋ ድንግልናዋም ቢሆን ከሴቶች ሁሉ የተለየ ነው ይህንንም የድንግልናዋን ክብር ሊቃውንተ ቤተክርስቲያን ሲገልጹ ከመፅነሷ በፊት፤ በፀነሰች ጊዜ ፤ ከፀነሰች በኋላ፤ ከመውለዷ በፊት ፤ በወለደች ጊዜ ፤ ከወለደች በኋላ ድንግል ናት በማለት በስድስት ጊዜ /ሁኔታ / ከፍለው ይናገራሉ። ይህም ሰዎች የድንግልናዋን ክብር እና ታላቅነት በመረዳት ድንግል ማርያም እንዲያከብሩና በረከትን እንዲያገኙ ነው።

ድንግል ማርያም ጌታችንን የወለደችው ማኀተመ ድንግልናዋ ሳይፈርስ ነው ፤ ቅዱሳት መጻሕፍት ይህንኑ በሚያረጋግጥ መልኩ ገልጸውታል።የእመቤታችንን ዘላለማዊ ድንግልና ነብያት አስቀድመው የተናገሩ ሲሆን በተለይም ነብዩ ሕዝቅኤል እመቤታችን ከሦስቱ አካል አንዱ አካል እግዚአብሔር ወልድን በማኀፀንዋ እንደምትሸከም ፤ ለመለኮት ማደሪያ እንደምትሆን እውነተኛ እና ዘላለማዊ ቤተመቅደስ በማለት ተናግሯል ። “ወደ ምሥራቅም ወደሚመለከተው በስተ ውጭ ወዳለው ወደ መቅደሱ በር አመጣኝ ተዘግቶም ነበር።እግዚአብሔርም፦ ይህ በር ተዘግቶ ይኖራል እንጂ አይከፈትም፥ ሰውም አይገባበትም የእስራኤል አምላክ እግዚአብሔር ገብቶበታልና ተዘግቶ ይኖራል።” ት. ሕዝ 44፡1-2 በዚህ ቦታ እንደተነገረው በተዘጋው መቅደስ የገባው የሠራዊት ጌታ እግዚአብሔር እንደሆነና ሌላም ሰው እንደማይገባበት ገልጿል። የእመቤታችንን ዘላለማዊ ድንግልና የሚጠራጠሩና በእምነት እኛን የማይመስሉ ሰዎችና መናፍቃን ቅዱስ ዮሴፍ ለእመቤታችን የተመረጠበትን ምክንያት ባለመረዳትና በመጽሐፍ ቅዱስ ውስጥ ወንድሞቹ ተብሎ የተቀመጠውን ቃል መነሻ በማድረግ ( ማቴ 13፡55) ሌላ ትርጉም ለመስጠት የሚነሱ እምነት የጎደላቸው ሰዎች አሉ። ቅዱስ ዮሴፍ ለእመቤታችን የተመረጠው እንዲጠብቃትና እንዲረዳት ስለነበር የተመረጠበትን ኃላፊነት በሚገባ ፈጽሟል። ይህም የእመቤታችን ረዳትና ጠባቂ መሆን ቅድስና እና የልቦና ንጽህና የሚጠይቅ ኃላፊነት ስለነበር ነው ፤ ምክንያቱም ድንግል ማርያም የፀነሰችው በመንፈስ ቅዱስ ግብር በመሆኑ ከሦስቱ አካል አንዱ አካል ያለ አባት ከእመቤታችን መወለዱን ለመቀበል እግዚአብሔርን የሚፈራና በሃይማኖት መኖርን ይጠይቅ ስለነበር ነው ።ቅዱስ ማቴዎስ በወንጌሉ እንደገለጸው ፤ እመቤታችን መፅነሷን ሲረዳ እንዴት እንደፀነሰች ለማወቅ ከህሊናው በላይ ስለሆነበት የመሰለውን ነገር በጥርጣሬ ከመናገር ይልቅ እግዚአብሔር እንዲገልጽለት በመጸለይ በስውር ሊተዋት አሰበ ። “ የኢየሱስ ክርስቶስም ልደት እንዲህ ነበረ። እናቱ ማርያም ለዮሴፍ በታጨች ጊዜ ሳይገናኙ ከመንፈስ ቅዱስ ፀንሳ ተገኘች።እጮኛዋ ዮሴፍም ጻድቅ ሆኖ ሊገልጣት ስላልወደደ በስውር ሊተዋት አሰበ።እርሱ ግን ይህን ሲያስብ፥ እነሆ የጌታ መልአክ በሕልም ታየው፥ እንዲህም አለ፦ የዳዊት ልጅ ዮሴፍ ሆይ፥ ከእርስዋ የተፀነሰው ከመንፈስ ቅዱስ ነውና እጮኛህን ማርያምን ለመውሰድ አትፍራ።ልጅም ትወልዳለች፤ እርሱ ሕዝቡን ከኃጢአታቸው ያድናቸዋልና ስሙን ኢየሱስ ትለዋለህ።በነቢይ ከጌታ ዘንድ።እነሆ፥ ድንግል ትፀንሳለች ልጅም ትወልዳለች፥ ስሙንም አማኑኤል ይሉታል የተባለው ይፈጸም ዘንድ ይህ ሁሉ ሆኖአል፥ ትርጓሜውም። እግዚአብሔር ከእኛ ጋር የሚል ነው።ዮሴፍም ከእንቅልፉ ነቅቶ የጌታ መልአክ እንዳዘዘው አደረገ፤ እጮኛውንም ወሰደ፤የበኩር ልጅዋንም እስክትወልድ ድረስ አላወቃትም፤ ስሙንም ኢየሱስ አለው።” ማቴ 1፡19—25 እዚህ ላይ እጮኛ ማለት ጠባቂ ማለት እንጂ ከጋብቻ ጋር የተገናኘ ትርጉም የለውም ።

3ኛ. የአዳም የውርስ ኀጢአት ያልደረሰባት መሆኑን (ጥንተ አብሶ የሌለባት መሆኑን)

እመቤታችን ድንግል ማርያም በአዳምና በዘሩ የነበረው የውርስ ኀጢአት ያልደረሰባት ናት። አዳም በፈጸመው ስህተት የእርሱ ልጆች በሙሉ መከራ በበዛበት በዚህ ዓለም ለመኖር ተገደዋል። የነበረው የውርስ ኀጢአት ሸክም ከባድ ስለነበር የሰው ልጆች ሕይወት በድቅድቅ ጨለማ የመኖር ያህል ነበር ። ለዚህም ነው ጌታችን ሲወለድ በድቅድቅ ጨለማ የሚኖር ሕዝብ ታላቅ ብርሃን አየ የተባለው ፡ የነበረውን ሕይወት ከባድነት ለመግለጽ ነው ( ኢሳ 9፡2 )። ጌታችንና መድኃኒታችን ኢየሱስ ክርስቶስ ከእመቤታችን የተወለደው ፡ በመስቀል ላይ የተሰቀለው ይህንን የእዳ ደብዳቤ ሊቀድልንና ዘላለማዊ ክብር የምናገኝበትን ሕይወት ሊሰጠን ነው ። የጌታችን መምጣት አዳምንና ዘሩን ከዚህ የውርስ ኀጢአት ነጻ የሚያደርግ ስለሆነ የዓለም መድኃኒት ተብሏል።መጥምቁ ዮሐንስም ሲመሰክር የዓለሙን ሁሉ ኀጢአት የሚያስወግድ የእግዚአብሔር በግ ያለው ከዚህ በመነሳት ነው (ዮሐ 1፡29 )። ይህ የተነገረው የውርስ ኀጢአት ግን በእመቤታችን አልነበረም ፤አልደረሰምም ። አንዳንድ ሰዎች ለእግዚአብሔር የሚሳነው ነገር የለም የሚለውን ቃል በመዘንጋት ድንግል ማርያም የአዳም የውርስ ኀጢአት አለባት ለማለት ሲሞክሩ እንሰማቸዋለን ። ይህ ግን የኢትዮጵያ ኦርቶዶክስ ተዋህዶ ቤተክርስቲያን የማትቀበለው መጻሕፍትን ያላገናዘበ በጥርጣሬ ማእበል ከተጎዳ ህሊና (ልቦና) የሚወጣ ደካማ አስተሳሰብ ነው። በዚህ ቦታ ብዙ ዝርዝር ትንታኔ ለመስጠት ባንችልም ለምስክርነት ያህል ግን እመቤታችን ጥንተ አብሶ ( የውርስ ኀጢአት) እንደሌለባት ሁለት ቦታዎችን በቀላሉ እንመለከታለን ።

መልአኩ ቅዱስ ገብርኤል እመቤታችንን ሲያበስራት የተናገረው ጸጋ የሞላብሽ ሆይ ደስ ይበልሽ ብሎ ነው የተናገራት ( ሉቃ 1፡28) መቼም የውርስ ኀጢአት ነበረባት ከተባለች ጸጋ የሞላብሽ ሆይ ልትባል አትችልም ምክንያቱም የውርስ ኀጢአት ካለ ከጸጋ በታች ያደርጋልና ። አንዳንዶች እንደሚናገሩት ደግሞ ወልድ በማህፀኗ ሲያድር አነጻት ቀደሳት እንዳንል የመልአኩ ምስክርነት ጌታን ከመፅነሷ በፊት ነው ። ቅዱስ ገብርኤል ይህንን ለእመቤታችን የነገራት ሦስት ጊዜ በተለያየ ቦታና ወቅት ነው ።እመቤታችን በመልአኩ የቀረበላትን ቃል ተቀብላ እንደቃልህ ይሁንልኝ ከማለቷ በፊት ጸጋ የሞላብሽ ሆይ ማለቱ ከውርስ ኀጢአት ነጻ እንደነበረች የተነገረ ምድራዊ ሳይሆን ሰማያዊ ምስክርነት ነው ። በተጨማሪም ነብዩ ኢሳይያስ አስቀድሞ የተናገረው ምስክርነት ይህንን እውነታ የበለጠ የሚያረጋግጥ ነው። “የሠራዊት ጌታ እግዚአብሔር ዘርን ባያስቀርልን ኖሮ፥ እንደ ሰዶም በሆንነ እንደ ገሞራም በመሰልነ ነበር” ኢሳ 1፡9 እዚህ ላይ ዘርን ባያስቀርልን የተባለችው እመቤታችን ቅድስት ድንግል ማርያም በመሆኗ ከሌሎች የአዳም ዘር ሁሉ የሚለያት ነገር እንዳለ ፤ በእነርሱ የደረሰ በዚህች ዘር ላይ ግን ያልደረሰ ነገር መኖሩን የሚያስረዳ ነው ። ይህም የአዳምን ዘርን በሙሉ የሚመለከተው ኀጢአት ጌታችን በሞቱ ባያጠፋልን ኖሮ ለዘላለማዊ ቅጣት ያበቃን ነበር። ከዚህ በመነሳት ነው እመቤታችን ከአዳም ዘር የተገኘች ብትሆንም አስቀድማ በአምላክ ህሊና ታስባ ትኖር ነበር በማለት ሊቃውንት የሚገልጹት።

4ኛ. የእግዚአብሔር የአካሉ ማደሪያ መሆኗን

የእመቤታችን ክብር ከፍጡራን ሁሉ በላይ ከፈጣሪ በታች ተብሎ እንዲነገር ምክንያት ከሆኑት አንዱ የእግዚአብሔር አካሉ ማደሪያ መሆኗ ነው። እግዚአብሔር በሰዎች ላይና በቅዱሳን መላእክት የሚያድረው በጸጋው ነው በእመቤታችን በቅድሰት ድንግል ማርያም ላይ ግን ጸጋ የተሞላች ብቻ ሳትሆን የእግዚአብሔር ወልድ የአካሉ ማደሪያም ሆናለች ። ሰማይና ምድር የማይችሉት አምላክ በድንግል ማርያም ማኀፀን መቀመጡ የሚደንቅ ምሥጢር ነው ። አባ ሕርያቆስ በቅዳሴ ማርያም ድርሰቱ እጅግ ተደንቆ የገለጸው ይህንን ምሥጢር ነው። “ ከአባቱ አጠገብ ሳይለይ ቃል ወደ አንቺ መጣ ሳይወሰን ፀነስሽው በላይ ሳይጎድል በታችም ሳይጨመር በማኀፀንሽ ተወሰነ መመጠንና መመርመር የሌለበት እሳተ መለኮት በሆድሽ አደረ” በማለት እመቤታችን የወልድ ማደሪያ መሆኗን መስክሯል። ስለዚህ ነው ድንግል ማርያምን ወላዲተ አምላክ የምንላት አምላክ በማኀፀንዋ 9 ወር ከ 5 ቀን ተቀምጦ በድንግልና ወልዳዋለችና ።

5ኛ. ትንሣኤዋ እንደ ልጇ ትንሣኤ መሆኑን

የቤተክርስቲያን መሠረታዊ ትምህርት እንደሚያስረዳው ሰዎች ሁሉ በመጨረሻው ቀን ለፍርድ እንደሚነሱ እናውቃለን ፤ሰው ሞቶ እንደማይቀር ተስፋ ለመስጠትም ጌታችንና መድኃኒታችን ኢየሱስ ክርስቶስ ምሳሌ እና በኩር ሆኖ አረጋግጦልናል። በዚህም መሠረት ሰዎች ሁሉ የሚነሱት በመጨረሻው ቀን በትንሣኤ ዘጉባኤ መሆኑ የተረጋገጠ ነው ። በዚህ የፍርድ ቀን መንግሥተ ሰማያት ትከፈታለች መልካም ያደረጉና በሃይማኖት የጸኑ ሰዎች እርሷን ይወርሳሉ ። እስከዚህ ቀን ድረስ ግን ከሰው ወገን መንግሥተ ሰማያት የሚወርስ የለም ከእመቤታችን ከቅድስት ድንግል ማርያም በቀር ። ቅዱስ ጳውሎስ ለዕብራውያን በጻፈው መልእክቱ እንደገለጸው የሃይማኖት ገድል የፈጸሙ ቅዱሳንን ከገለጸ በኋላ ያለ እኛ ፍጹማን አይሆኑም በማለት የተናገረው መንግሥተ ሰማያት ተከፍታ ቅዱሳን ሁሉ እንዲወርሳት በምድር ያሉት ሁሉ ለፍርድ መቅረባቸው የሚጠበቅ መሆኑን ለመግለጽ ነው ። “እነዚህም ሁሉ በእምነታቸው ተመስክሮላቸው ሳሉ የተሰጠውን የተስፋ ቃል አላገኙም፥ ያለ እኛ ፍጹማን እንዳይሆኑ እግዚአብሔር ስለ እኛ አንዳች የሚበልጥ ነገርን አስቀድሞ አይቶ ነበርና” ዕብ 11፡39-40. ይህ የቅዱስ ጳውሎስ መልእክት ግን እመቤታችንን የሚመለከት አይደለም ምክንያቱም እመቤታችን ከውርስ ኀጢአት ነጻ የሆነችና ጸጋን የተሞላች በኋላም ጌታችን ኢየሱስ ክርስቶስን የወለደች ስለሆነች የፍርድ ቀን እርሷን አይመለከትም ፡ ለጥያቄ አትቀርብምና ። ለዚህ ነው የእመቤታችን ትንሣኤ ከሰው ልጆች ሁሉ ትንሣኤ የተለየ ነው የምንለው ድንግል ማርያም 64 ዓመት ከኖረች በኋላ ሞተ እረፍትን አልፋ እንደ ልጇ ተነስታለች። አሁን ደንግል ማርያም በታላቅ ክብር በመንግሥተ ሰማያት ትገኛለች። ቅዱስ ዳዊት ይህ የድንግል ማርያም ትንሣኤ አስቀድሞ እንደሚፈጸም አውቆ ትንቢት ተናገሯል። “ አቤቱ ወደ እረፍትህ ተነስ አንተና የመቅደስህ ታቦት” መዝ 131፡8 ። እዚህ ላይ የመቅደስህ ታቦት ያለው እመቤታችን ድንግል ማርያምን ነው ፤ ታቦት ማለት የእግዚአብሔር ማደሪያ ስለሆነ እግዚአብሔር በአካሉ ያደረባት አማናዊ ታቦት እመቤታችን ናትና ። ቅዱስ ዳዊት የእመቤታችን የቅድሰት ድንግል ማርያም ሞትና ትንሣኤ ተገልጦለት እንዳመሰገናት “ በወርቅ ልብስ ተጐናጽፋና ተሸፋፍና ንግሥቲቱ በቀኝህ ትቆማለች ” መዝ 45፡9 ያለው በእግዚአብሔር መንግሥት ዘላለማዊ ንግሥት ድንግል ማርያም መሆናን ለመግለጽ ነው ።

6ኛ. በሰውም በመላእክትም የምትመሰገን መሆኗን

እግዚአብሔርን የሚያምኑ ፈቃዱ ምን እንደሆነ የሚያስተውሉ ሁሉ ድንግል ማርያምን ያመሰግኗታል።አንዳንድ ይህንን ያልተረዱ ሰዎች ለምን ድንግል ማርያም ትመሰገናለች ሲሉ ይደመጣሉ።እንኳን ደካማ የሆነው የሰው ልጆች ይቅርና በሰማይ ያሉ ቅዱሳን መላእክትም ያመሰግኗታል። ድንግል ማርያምን የምናመሰግናት የተሰጣትን ክብር በመግለጽ፤ለሰው ልጆች ሁሉ መዳን ምክንያት መሆኗን በመግለጽ እና አሁንም አማላጅ መሆኗን በመመስከር ነው ። መልአኩ ቅዱስ ገብርኤል ነገደ መላእክትን በመወከል ኤልሳቤጥ ደግሞ የሰው ልጆችን በመወከል ጸጋን ተሞላሽ በማለት ለእመቤታችን ምስጋና አቅርበዋል።እመቤታችንም በሰጠችው የሃይማኖት ምስክርነት “ ትውልድ ሁሉ ብፅዕት ይሉኛል” ሉቃ 1፡49 ብላለች። ይህን የተናገረችው ለእርሷ ምስጋና ማቅረብ የእግዚአብሔር ፈቃድ መሆኑን ሰዎች ተረድተው ፡ በዚሁ ፈቃድ መሠረት እንዲመሩ ነው ። ድንግል ማርያም እንድትመሰገን እግዚአብሔር ከፈቀደ ሰዎቸ በተቃዉሞ ቢነሱ በመጨረሻው ቀን ተጠያቂ ያደርጋቸዋል ምክንያቱም “በሰማያት ያለውን የአባቴን ፈቃድ የሚያደርግ እንጂ፥ ጌታ ሆይ፥ ጌታ ሆይ፥ የሚለኝ ሁሉ መንግሥተ ሰማያት የሚገባ አይደለም።በዚያ ቀን ብዙዎች። ጌታ ሆይ፥ ጌታ ሆይ፥ በስምህ ትንቢት አልተናገርንምን፥ በስምህስ አጋንንትን አላወጣንምን፥ በስምህስ ብዙ ተአምራትን አላደረግንምን? ይሉኛል።የዚያን ጊዜም ከቶ አላወቅኋችሁም፤ እናንተ ዓመፀኞች፥ ከእኔ ራቁ ብዬ እመሰክርባቸዋለሁ።” ማቴ 7 ፡21—23. ብሎ ጌታችን ተናግሯል ። እኛ ግን እንደተማርነው ድንግል ማርያምን ዘወትር እናመሰግናታለን ፤ ይህንን በማድረጋችን የበለጠ ወደ እግዚአብሔር እንቀርባለን እንጂ አንርቅም።

7ኛ. የሰው ልጆች ሁሉ አማላጅ መሆኗን

ድንግል ማርያም የዓለሙ ሁሉ መዳን ምክንያት ስለሆነች ለአማላጅነቷ ትልቅ ቦታ ይሰጣል። አማላጅነት በእግዚአብሔር ዘንድ ለተከበሩ በፈቃዱ ለሚሄዱ የሚሰጥ የክብራቸው መገለጫ የሆነ የቅድስና ደረጃ ነው ። ድንግል ማርያም አማላጃችን እንድትሆን ከሁሉ በላይ የፈቀደ እግዚአብሔር ነው ። አዳምና ልጆቹ እንደ ሰዶምና ገሞራ ከመጥፋት ምክንያተ ድህነት የሆነች እመቤታችን ናት ( ኢሳ 1፡9)። ቅዱስ ዳዊት ሲናገር ንግሥቲቱ በቀኝህ ትቆማለች ያለው እመቤታችንን ሲሆን በቀኝህ ማለቱ በፈቃዱ እንዳለች የሚገልጽ ሲሆን ትቆማለች ማለቱ ደግሞ ለሰው ልጆች ምልጃ እንደምታቀርብና እግዚአብሔርም እንደሚቀበላት የሚገልጽ ነው ። እመቤታችን ድንግል ማርያም በቃና ሰርግ ቤት ተገኝታ የወይን ጠጅ የላቸውም ብላ እንዳማለደች( ዮሐ 2፡1—11) በእኛም ሕይወት የጎደለብንን ነገር እግዚአብሔር እንዲሞላልን ዘወትር ትጠይቃለች። እውነቱ ይህ ከሆነ የእመቤታችንን ክብር መቀበል ያልቻለ ሰው ፤ አማላጅነቷን የናቀ ሰው ፤ የእግዚአብሔርን ምሕረት እንዴት ሊያገኝ ይችላል ? ለቅዱሳን አባቶቻችን ምሥጢሩን ጥበቡን የገለጸ እግዚአብሔር ለእኛም የእመቤታችንን ክብር እንዲገልጽልን ቅዱስ ፈቃዱ ይሁንልን ።

ወስብሐት ለእግዚአብሔር

(የደብሩ ሰንበት ት/ቤት የአንደኛ ዓመት ምሥረታ በዓሉን አስመልክቶ ካዘጋጀው መጽሔት የተወሰደ)

ሐመድ እውነተኛ የእግዚአብሔር ነቢይ ነውን?

[ክፍል አንድ] ክፍል ሁለት http://www.answering-islam.org/amargna/god.html

በአዘጋጁ የተቀናበረ

ዋና ሐሳብ ሦስት፡https://wincdaawa.wordpress.com/category

ሱም በመጽሐፉ ላይ እንደገለፀው ማለት ነው) Ahmad and Tirmidhi transmitted it. (Al-Tirmidhi, Number 1513- taken from the ALIM CD-ROM Version)፡፡

የሙስሊም ተንታኞች በተጨማሪ ማስረጃ የሚያረጋግጡት መሐመድ በስህተት ያምን የነበረው ይህንን እንደነበረ ነው፡፡ እንዲያውም በተጨማሪም የሚናገሩት መሬትም ጠፍጣፋ (ዝርግ) እንደሆነች (ያምን እንደነበረ) ነው፡፡ አንዳንዶቹም ተንታኞች የሚከተሉት ናቸው፡፡

አል-ታባሪ

በመሐመድ ቢ. ሳሀል ቢ. አስካር-ኢስማኢል ቢ. አብድ አል-ካሪም-ዋሂብ፣ አንዳንድ ግርማዊነቱ ተጠቅሰዋል (እነዚህም እንደሚከተለው ተደርገው ተገልፀዋል)፡ ሰማያት እና ምድር እንዲሁም ባህሮች በ ‹ሂካል› ውስጥ ናቸው፣ ሂካል ደግሞ በእግሩ መረገጫ ስር ነው፡፡ የእግዚአብሔር እግሮች ያሉት በእግሩ መረገጫ ላይ ነው፡፡ እሱም የእግሩን መረገጫ ተሸክሟል፡፡ እሱም በእግሩ ላይ ልክ እንደ ሰንደል ጫማ ነው የሆነው፡፡ ዋሂብም ሂካል -  ምንድነው? በማለት በጠየቀ ጊዜ፣  እሱም የመለሰው ‹በሰማያት ላይ ያለ አንድ ነገር ነው እሱም ምድርንና ባህሮችን የሚከብብ እና ድንኳን እንደሚታሰርበት ዓይነት ገመድ ነው በማለት መለሰ፡፡› እንደገናም ዋሂብ ምድር ከምን እንደተሰራች በጠየቀ ጊዜ እሱም የመለሰው ‹እነሱም ሰባት ምድሮች ናቸው እነሱም ዝርግና ደሴቶች ናቸው፡ በማለት መለሰ፡፡ በእያንዳንዱ ሁለት መሬት መካከል ባህር አለ፡፡ ሁሉም በሚከባቸው ባህር ተከበዋል እናም ሂካሉ ደግሞ ከባህሩ ጀርባ ነው ያለው፡፡›  በማለት መለሰ፡፡ (History of Al-Tabari-General Introduction and From the Creation to the Flood, translated by Franz Rosenthal [State University of New York Press (SUNY), Albany 1989], Volume 1, pp. 207-208;).

ኢብን ካቲር

‹በምድርና በሚመስሉት› ማለት እሱ ሰባት ምድሮችን ፈጥሯል ማለት ነው፡፡ በሁለቱ ሳሂሆች የሚከተለውን የሚገልፅ ሐዲት አለ፡፡

(የአንድን ሰው መሬት ያላግባብ የሚወስድ ማንም ቢሆን ስንዝርም የምታክልን መሬትም እንኳን ቢሆን ከዚያም እሱ በአንገቱ ላይ ተጠምጥሞ እስከ ሰባተኛው መሬት ድረስ ይወርዳል)

በሳሂህ አል-ቡካሪ ቃሉ እንደሚከተለው ነው፡- (እሱ ወደ መሬቶቹ ውስጥ ይሰጥማል)

በመጽሐፌ መጀመሪያ ላይ አል-ቢዳያህ ዋን-ኒሃያህ፣ የዚህን ሐዲት የተለያዩ ትረካዎች ጠቅሻለሁ ይህም የምድርን አፈጣጠር ታሪክ በተረክሁበት ጊዜ ነው፡፡ ምስጋናም ክብርም ሁሉ ለአላህ ነው፡፡

ይህ ሐዲት ሰባቱን ክፍለ ዓለማት ማለቱ ነው በማለት የሚያብራሩት እነዚያ የማያሳምንን ገለጣና የቁርዓንን እና የሐዲትን ቃላት (ፊደላት) የሚፃረርንና እንዲሁም ማስረጃ የሌለውን ነገር አምጥተዋል፡፡ (Tafsir Ibn Kathir (Abridged) Volume 10 (Surat At-Tagabun to the end of the Qur’an), abridged by a group of scholars under the supervision of Shaykh Safiur-Rahman Al-Mubarakpuri [Darussalam Publishers & Distributors, Riyadh, Houston, New York, London, Lahore; first edition, September 2000], pp. 55-56: http://tafsir.com/default.asp?sid=65&tid=54300;)

3. የፀሐይ ምህዋር

ቁርዓንና የመሐመድ ሱናዎች የሚያስተምሩት ፀሐይ ወደምትሰግድበትና እንደገና ለመመለስ ፈቃድ ወደምታገኝበት እስከ አላህ ዙፋን ድረስ እንደምትጓዝ ነው፡፡

‹ፀሐይም ለእርሷ ወደ ኾነው መርጊያ ትሮጣለች፣ ይህ የአሸናፊው የዐዋቂው አምላክ ውሳኔ ነው› 36.38፡፡

በአቡ ዳር የተነገረው እንደሚከተለው ነው፡- ነቢዩ ፀሐይ በምትጠልቅበት ሰዓት የሚከተለውን ጠየቀኝ ‹ፀሐይ ወዴት እንደምትሄድ ታውቃለህን (በፀሐይ መጥለቂያ ጊዜ)?› እኔም እንደሚከተለው በማለት መለስኩኝ፡ ‹አላህና ሐዋርያው የተሻለ ያውቃሉ›፡፡ እሱም መለሰ ‹ፀሐይ ዙፋኑ ስር ደርሳ እስከምትሰግድ ድረስ እና እንደገናም ለመውጣት ፈቃድ እስከምታገኝ ድረስ ትጓዛለች ነገር ግን (ጊዜ ደግሞ ይመጣል) አጎንብሳ የምትሰግድበት እና ተቀባይነት (ፈቃድ) የማታገኝበት ሰዓት ይመጣል እና ያኔ እንደገና የምታደርገውን እንድታደርግ ፈቃድ የምትጠይቅበት እና የምትከለከልበት ጊዜ ይመጣል ያኔ ወደ መጣችበት እንድትመለስ ትታዘዛለች እናም መውጣቷን በምዕራብም ታደርጋለች፡፡ ይህ ደግሞ የአላህ ዓረፍተ ነገር ትርጉም ነው ‹ፀሐይ የምታደርገውን ጉዞ የምታደርገው በየተወሰነ ጊዜ ነው (ይህም የተደነገገ ነው)፡፡ ይህም የአላህ፣ በኃይል የተከበረው፣ ሁሉን ዐዋቂው (ነገር) ነው› 36.38፡፡ (Sahih al-Bukhari, Volume 4, Book 54, Number421: http://www.usc.edu/dept/MSA/fundamentals/hadithsunnah/bukhari/054.sbt.html#004.054.42)

4. ቁርዓን በተጨማሪ የሚናገረው ነገር የከዋክብት መኖር አንዱ ዓላማ በሰይጣናትና በጂኒዎች ላይ እንዲወረወሩ ነው፡፡

‹ቅርቢቱን ሰማይም በእርግጥ በመብራቶች (በከዋክብት) አጌጥናት ለሰይጣናትም መቀጥቀጫዎች አደረግናት፡፡ ለነርሱም (ለሰይጣኖች) የእሳትን ቅጣት አዘጋጀን› 67.5፡፡ ‹እኛ ቅርቢቱን ሰማይ በከዋክብት ጌጥ አስጌጥናት፡፡ አመጠኛም ከኾነ ሰይጣን ሁሉ መጠበቅን ጠበቅናት፡፡ ወደላይኛው ሰራዊት አያዳምጡም ከየወገኑም ሁሉ ችቦ ይጣልባቸዋል› 37.6-8፡፡ ‹በሰማይም ላይ ቡርጆችን በእርግጥ አድርገናል ለተመልካቾችም (በከዋክብት) አጊጠናታል፡፡ ከተባረረ ሰይጣንም ሁሉ ጠብቀናታል፡፡ ግን (ወሬ) መስማትን የሚሰርቅ ወዲያውኑ አብሪ ችቦ ይከተለዋል፡፡ (ያቃጥለዋል) 15.16-18፡፡ ‹የጋኔንና የሰው ጭፍሮች ሆይ ከሰማያትና ከምድር ቀበሌዎች መውጣትን ብትችሉ ውጡ በስልጣን እንጅ አትወጡም፡፡ (ግን ስልጣን የላችሁም)፡፡ ከጌታችሁም ጸጋዎች በየትኛው ታስተባብላላችሁ? በሁለታችሁም ላይ ከእሳት ነበልባል ጭስም ይላክባችኋል (ሁለታችሁም) አትረዱምም፡፡› 55.33-35፡፡

አንድ አቡ ካታዳ የሚባል ሙስሊም  ስለዚህ የሚከተለውን ተናግሯል፡-  ‹የእነዚህ ከዋክብት አፈጣጠር ለሦስት ዓላማዎች ነው ማለትም ቀረብ ያለውን ሰማይ ለማስዋብ፣ ሰይጣናትን የሚመቱ ሚሳይሎች ለመሆን፣ እና ተጓዦችን የሚመሩ ምልክቶች ለመሆን ነው፡፡ ስለዚህም ማንም ሰው ከዚህ የተለየ ትርጉምን ለማምጣት ቢሞክር ተሳሳቷል እንዲሁም ደግሞ ጥረቱን ያባክናል እራሱንም ሊያውቀው ከሚችለው የእውቀት ችሎታ በላይ ያስቸግራል› (Dr. Muhammad Taq-i-ud-Din Al-Hillai, Ph.D. [Berlin] & Dr. Muhammad Muhsin Khan, Interpretation of the Meaning of the Noble Quran, pp. 214, 394-395;)

መሐመድ ሰይጣን ቁሳዊ ነገር እንደሆነ የሚያምን ለመሆኑ በጣም ግልጥ ነው ከዚህም በተጨማሪ ሰይጣን በሰው ላይና (በሰው) ውስጥም እንኳን ሽንቱን እንደሚሸናም ያምናል፡፡

በአብዱላ የተነገረው እንደሚከተለው ነው፡-  በነቢዩ (ሰላም በእሱ ላይ ይሁን) ፊት ስለ አንድ ሰው ተጠቅሶ ነበር እናም ስለእሱ ሲነገር የነበረው ሰውየው እስከ ማለዳ ድረስ ተኝቶ ነበር፣ ለጠዋትም ፀሎት አልተነሳም ነበር፡፡ ነቢዩም ‹ሰይጣን በጆሮዎቹ ላይ ሸንቶበት ነው› አለ፡፡ Sahih al-Bukhari, Volume 2, Book 21, Number 245- see also Volume 4, Book 54, Number 492:http://www.usc.edu/dept/MSA/fundamentals/hadithsunnah/bukhari/054.sbt.html#004.05.492)

‹አብዱላህ (ቢ ማሱድ) የዘገበው ደግሞ እንደሚከተለው ነው፣ ሌሊቱን በሙሉ እስከ ማለዳ ድረስ ስለተኛ ሰው (ለነቢዩ) ተነግሮት ነበር፡፡ እሱም (ቅዱሱ ነቢይ) የሰጠየው አስተያየት፡ ‹ያም ያ ሰው ሰይጣን በጆሮዎቹ ላይ ሽንቱን የሸናበት ሰው ነው› በማለት ነው፡፡ Sahih Muslim, Book 4, Number 1700: http://www.usc.edu/dept/MSA/fundamentals/hadithsunnah/muslim/004.smt.html#004.1700

5. የትኛው ነው ቀድሞ የመጣው ሰማይ ነው ወይንስ ምድር?

ቁርዓን ሰማይ ከመፈጠሩ በፊት ምድርና በውስጧ ያለው ሁሉ በመጀመሪያ እንደተፈጠረ ይናገራል፡፡

‹እርሱ ያ በምድር ያለውን ሁሉ ለናንተ የፈጠረ ነው፤ ከዚያም ወደ ሰማይ አሰበ ሰባት ሰማያትም አደረጋቸው እርሱም በነገሩ ሁሉ ዐዋቂ ነው፡፡› 2.29፡፡ ‹በላቸው፡- እናንተ በዚያ ምድርን በሁለት ቀኖች ውስጥ በፈጠረው አምላክ በእርግጥ ትክዳላችሁን? ያ (ይህንን የሠራው) የዓለማት ጌታ ነው፡፡ በርሷም ከበላይዋ የረጉ ጋራዎችን አደረገ በርሷም በረከትን አደረገ በውስጧም ምግቦችን (ካለፉት ሁለት ቀኖች ጋር) በአራት ቀናት ውስጥ ለጠያቂዎች ትክክል ሲኾኑ ወሰነ፡፡ ከዚያም ወደ ሰማይ እርሷ ጭስ ኾና ሳለች አሰበ ለርሷም ለምድርም ወዳችሁም ኾነ ወይም ጠልታችሁ ኑ አላቸው፡፡ ታዛዦች ኾነን መጣን አሉ፡፡ በሁለት ቀኖችም ውስጥ ሰባት ሰማያት አደረጋቸው፡፡ በሰማያቱም ሁሉ ነገሯን አዘጋጀ ቅርቢቱንም ሰማይ በመብራቶች አጌጥን (ከሰይጣናት) መጠበቅንም ጠበቅናት ይህ የአሸናፊው የዐዋቂው (ጌታ) ውሳኔ ነው፡፡› 41.9-12፡፡

ለመሐመድና ለመጀመሪያ ተከታዮቹ የአረብኛው ቃል ቱማ ማለት ተከታታይ ድርጊት (ቅደም ተከተል ድርጊት) ማለት እንደሆነ የልማድ ማስረጃ ይናገራል ይህም ሰማያት የተፈጠሩት ከምድር በኋላ ነው (የሚል ነው)፡፡

‹አቡ ሁራይራ የዘገበው የአላህ መልእክተኛ አጆቼን ይዞ የሚከተለውን አለ፡ የከበረውና ታላቁ አላህ ቅዳሜ ቀን ሸክላን ፈጠረ፣ እሁድ ቀን ደግሞ ተራራዎችን ፈጠረ፣ ከዚያም ሰኞ ዕለት ዛፎችን፣ ማክሰኞ ቀን ደግሞ ድካም (ስራ) የሚጠይቁትን ነገሮች ፈጠረ፣ ከዚያም እሮብ ደግሞ ብርሃንን ፈጠረ፣ ከዚያም ሐሙስ ቀን እንሰሳት እንዲሰራጩ እና አርብ ከአስር በኋላ የመጨረሻውን ፍጥረት አርብ በመጨረሻው ሰዓት ማለትም በከሰዓት በኋላና በምሽት መካከል አዳምንም (ሰላም በእሱ ላይ ይሁን) ደግሞ ፈጠረ›፡፡ (Sahih Muslim, Book 039, Number 6707: http://www.usc.edu/dept/MSA/fundamentals/hadithsunnah/muslim/039.smt.html#039.6707

ይህ የሐዲት ዘገባ የሚያስረዳው የብርሃንን መፈጠር እሮብ እንደሆነ አድርጎ ነው ይህም ከምድርና በውስጧ ካለው ነገር ሁሉ በኋላ (የተፈጠረች) መሆኑ ነው፡፡ ብርሃን የሚያሳየውም ፀሐይን ነው፡፡ እንዲህ ከሆነ ደግሞ ከዘመናዊው የሳይንስ ፅንስ ሐሳብ ጋር ሙሉ ለሙሉ የሚቃረን ነው፣ ምክንያቱም ሳይንስ በዩኒቨርስ አመጣጥ ላይ ከማንኛውም እፀዋት በፊት የፀሐይን መኖር ያስቀምጣልና፡፡

የሚከተለውም ልማዳዊ ዘገባ ከ The History of al-Tabari, Volume 1 - General Introduction and from the Creation to the Flood (translated by Franz Rosenthal, State University of New York Press (SUNY), Albany 1989), pp. 187-193. ላይ ተወስዷል እሱም እንደሚከተለው ይላል፡-

‹እኛ የገለፅነው ከዚያ ጊዜ በፊት ያለው የሌሊትና የቀን ሰዓታት ናቸው ይሁን እንጂ ሰዓታቶቹ በፀሐይና በጨረቃ ክበብ ዲግሪ መሠረት ተለዋዋጭ ነው፡፡ ስለዚህ አሁን ይህ በእንደዚህ እንዳለ በአላህ መልእክተኛ የተነገረን ትክክለኛ የሆነ የልማድ ገለፃ አለን ይህም በሃናደ ቢ. አል-ሳሪ ነው፣ እሱም ያለው ሐዲቶችን ሁሉ አንብቦ (ለአቡ-በከር) አቡ በከር ቢ. አያሽ - አቡ ሳኣድ አል - ባካል - ኢክሪማህ - ኢብን አባስ፡ አይሁዶች ወደ ነቢዩ መጥተው ስለ ሰማይና ምድር አፈጣጠር ጥያቄን ጠየቁት፡፡ እሱም -  እግዚአብሔር ምድርን እሁድና ሰኞ ፈጠረ፡፡ ማክሰኞ ደግሞ ተራራዎችንና የያዙትን ጥቅም ፈጠረ፡፡ እሮብ ዕለት ደግሞ ዛፎችን ውሃን ከተሞችንና የሚታረሰውን ባዶውን ምድር ፈጠረ፡፡ እነዚህ አራት ቀናት ናቸው፡፡ እሱም ቁርዓንን በመጥቀስ ቀጠለ ‹በእርግጥ እናንተ ምድርን በሁለት ቀናት ውስጥ በፈጠረው እና ሌሎችንም እንደሱ ያሉትን ባስቀመጠው አታምኑምን? እሱም የዓለማት ጌታ ነው፡፡ እሱም በጣም ጥብቅ እንዲሆን አድርጎ ሰራው (ተራራዎችን) በላያቸው ላይ አድርጎ ከዚያም ባረከው እና የሚሰጠውን የምግብ መጠን እንዲይዝ አደረገው፣ ይህም የሆነው ሁሉ በአራት ቀናት ውስጥ ነው እኩል ለሚጠይቁት ሁሉ› - ለእነሱ - ሐሙስ ቀን ሰማይን ፈጠረ፡፡ አርብ ደግሞ ከዋክብትን ፀሐይን፣ ጨረቃን እና መላእክትን ፈጠረ ይህም ሦስት ሰዓት እስከሚቀር ድረስ ነው፡፡ በነዚህ ሦስት ሰዓታት መጀመሪያ የሰውን ሕይወት ሁኔታዎች ፈጠረ፣ እኛ እንድንኖርና እንድንሞት፡፡ በሁለተኛው ሰዓት ውስጥ ደግሞ ለሰው ልጅ ጠቃሚ በሆነው ነገር ሁሉ ላይ ችግርን (ጉዳትን) ጣለበት፡፡ በሦስተኛው ሰዓት ደግሞ አዳምን ፈጠረና በፓራዳይዝ እንዲኖር አደረገው፡፡ ከዚያም ኢብሊስን (ሰይጣንን) በአዳም ፊት እንዲሰግድ አዘዘው ከዚያም በሰዓቱ መጨረሻ ላይ አዳምን ከፓራዳይዝ ውስጥ አስወጣው፡፡ አይሁዶችም፣ ‹ከዚያስ - ምን መሐመድ?› ብለው በጠየቁት ጊዜ እሱም፡ ‹ከዚያም እሱ በዙፋኑ ላይ ቀጥ ብሎ ተቀመጠ› አላቸው፡፡ ከዚያም አይሁዶቹ፣ ጨርሰህ ከሆነ ትክክል ነህ አሉና፣ ቀጥለውም እነሱ ‹ከዚያም አረፈ› ከሚል ጋር ብለው አሉ፡፡ በዚህም ነቢዩ በጣም ተናደደ እና የሚከተለው መገለጥ ተገለጠለት፡ ‹እኛ ሰማይንና ምድርን እንዲሁም በመካከላቸው ያለውን ሁሉ በስድስት ቀናት ውስጥ ፈጠርን ድካም ግን አልነካንም› አለና፤ ‹ስለዚህም ለምትናገሩት ነገር ሁሉ ትዕግስት ይኑራችሁ› አለ፡፡

እናም

‹በአል-ሙታና - አል ሃጃጅ - ሐማድ - አታ ቢ. አል-ሳኢብ አክሪማ አባባል፡ አይሁዶች ነቢዩን ጠየቁት፡ እሁድስ? በማለት የእግዚአብሔርም መልእክተኛ መለሰ፡ በእሱም እግዚአብሔር ምድርን ፈጠረና አስፋፋት አለ፡፡ ስለ ሰኞም ጠየቁት እሱም ሲመለስ፡ በእሱም አዳምን ፈጠረ አላቸው፡፡ ስለ ማክሰኞም ጠየቁት እሱም መልሶ፡ በእሱም ተራራዎችን ውሃን እና ወዘ.ተ. ፈጠረ አላቸው፡፡ ስለ እሮብም ጠየቁት እሱም መልሶ፡ ምግብ አለ፡፡ ስለ ሐሙስም ጠየቁት፡ እሱም መልሶ ሰማያትን ፈጠረ አላቸው፡፡ እነሱም ስለ አርብ ጠየቁት እሱም መልሶ፡ እግዚአብሔር ቀንንና ሌሊትን ፈጠረ አላቸው፡፡ ስለ ቅዳሜም ጠየቁትና እግዚአብሔር በእሱ አረፈ አሉት፣ እሱም ጮክ ብሎ እግዚአብሔር ይመስገን! አለ ከዚያም እግዚአብሔር ‹እኛ ሰማይንና ምድርን እና በመካከላቸውም ያለውን በስድስት ቀናት ውስጥ ፈጠርን እና ምንም ድካም አላየንም› የሚለው መገለጥ መጣለት፡፡

ነገር ግን የሚከተለው የቁርዓን ቁጥር ከዚህ በላይ ያለውን ዓረፍተ ነገር በመቃረን በምድር ላይ ያሉት ነገሮች እንደ ውሃ ያሉት ሰማያት ከተፈጠሩ በኋላ እንደተፈጠሩ ያረጋግጣል፡

‹ባፈጣጠር እናንተ ይበልጥ የበረታችሁ ናችሁን? ወይንስ ሰማይ? (አላህ) ገነባት፡፡ ከፍታዋን አጓነ አስተካከላትም፡፡ ሌሊቷንም አጨለመ ቀንዋን ገለጸ፡፡ ምድርንም ከዚህ በኋላ ዘረጋት፡፡ ውሃንና ግጦሿን ከርሱ አወጣ፡፡ ጋራዎችንም አደላደላቸው፡፡ ለናንተና ለእንስሶቻችሁ መጠቀሚያም ይኾን ዘንድ (ይህን አደረገ)› 79.27-33፡፡

አል-ታባሪ ‹ባኣ-ዳ› ስለሚለው ቃል የሚከተለውን ጽፏል፡ አንድ ሰው እንዲህ ሊል ይችላል፡ እናንተ እንደምታስተውሉት ብዙ ተንታኞች የእግዚአብሔርን ቃል አስተውለውታል፡፡ ‹ከዚያ በኋላ የዘረጋው ምድርን ነው› ማለትም ‹በአንድ ጊዜ ነው የዘረጋት› ‹ይህም ‹ባኣ-ዳ›፣ ‹በኋላ› ለሚለው መስተዓምር ማለትም ‹ማ-ኣ› ‹አንድ ላይ (በአንድ ጊዜ)› የሚል ነው በማለት ነው፡፡ አሁን ለዓረፍተ ነገራችሁ ትክክለኛነት ማለትም እዚህ ጋ ላለን ‹በኋላ› ለሚለው ትርጉም ያም ‹በፊት› ከሚለው ተቃራኒ ቃል ይልቅ ያላችሁ ማስረጃ ምንድነው? ለዚህም የሚሆነው መልስ በአረብኛ አነጋገር ውስጥ ‹በኋላ› የሚለው ቃል ትርጉም ከዚህም በፊት እንደተናገርነው የ ‹አስቀድሞ› ወይንም ‹የ በፊት› የሚለው ቃል ተቃራኒ ነው እንጂ ‹በአንድ ላይ› ወይንም በአንድ ወቅት የሚል ትርጉም አይደለም፡፡ እንግዲህ አሁን የቃላት ትርጉሞች ተግባራዊነትን ስንመለከት ከሁሉ በላይ ቋንቋውን በሚያውቁት ተናጋሪዎች ዘንድ ነው የሚታወቀው እንጂ በሌሎች አይደለም፡፡ (Ibid., p. 216;)

የቅርቡ የሙስሊም ተርጓሚ አብዱላህ ዩሱፍ አሊ በቁርዓን 79.30 ላይ ያለውን ‹ከዚህ በኋላ› የሚለውን ቃል ማለትም ‹ባኣ"ዳ› ሲተረጉም፤ የተረጎመው ‹ከዚህም በላይ› ብሎ ሲሆን በትህትና የተቀበለው ‹ከዚህም በላይ› ወይንም በጣም ጥሬ በሆነ መልኩ ‹ከዚያም በኋላ› ማለት ነው ብሎ ነው፡፡ See n. 4475 to xli. 11. (Ali, footnote 5937)፡፡

የአዘጋጁ ማሳሰቢያ፡-

ከዚህ በላይ ባየናቸው ቁርዓናዊ ግልፅ የሆኑ አምስት አባባሎች መሠረት አንድ እውነት ሊገባን ያስፈልጋል፡፡ ይህም ቃላቶቹን የተናገረው እውነተኛ ነቢይ ሊባል እና በሕይወታችን ውስጥ ዋና በሆነው የዘላለም ሕይወት ጉዳይ ላይ ልንከተለው ይገባል ወይ? የሚለው ነው፡፡

በአንድ ሰው ሕይወት ውስጥ የሚከተለው ሃይማኖት ወሳኝነት አለው፡፡ አንድ ሰው የሚከተለው ሃይማኖት ትክክል መሆን አለመሆኑን መመርመርና እውነትን መፈለግ ይገባዋል፡፡ የነቢዩ መሐመድ ከአላህ የመጡ ናቸው የተባሉት አምስቱ ነጥቦች ሙሉ ለሙሉ ስህተቶች ናቸው፡፡ ታዲያ ምን ማድረግ ይገባናል? ስህተተን በመከተል መኖርና የስህተትን እምነት ፍርድ መቀበል? ወይንስ አሁን ስህተት ሲገለጥልን በማስተዋል ወደ እውት መምጣት? ምርጫውን ለአንባቢ እንተወዋለን፡፡ የራሳችን አስተያየት ግን አንባቢ ከመጀመሪያ እስከ መጨረሻው እውነት የሆነውን የጌታ ኢየሱስን ወንጌል እንዲያነብ ነው፡፡ የመጽሐፍ ቅዱስን ቃል አንብቡ፡፡ በቃሉም መሠረት እራሳችሁን መርምሩ የዘላለምንም ሕይወት ለማግኘት ወደ እግዚአብሔር ምህረት በጌታ በኢየሱስ ክርስቶስ በኩል - ኑ - አትዘግዩ እግዚአብሔርም ይርዳችሁ አሜን፡፡

አሐቲ ተዋሕዶ AHATI TEWAHEDO: "ማኅበሩ አሳዘነኝ ! በላዉ የምር አንጃቴን በላው" ከመምህር ዘመድኩን በቀለ ፌ...

አሐቲ ተዋሕዶ AHATI TEWAHEDO: "ማኅበሩ አሳዘነኝ ! በላዉ የምር አንጃቴን በላው" ከመምህር ዘመድኩን በቀለ ፌ...: ማኅበሩ አሳዘነኝ ! በላዉ የምር አንጃቴን በላው ። ከዛሬ 2 ዓመት በፊት ዕድሌ ይሁን ወይም ክፉ አመሌ አይታወቅም በሆነ ጉዳይ አንድ ወረዳ ውስጥ በሚገኝ ፖሊስ ጣቢያ ቁጭ ብያለሁ ። ከእኔ ጋር ደግሞ እድሏ ሆኖ ማረሚ...

አሐቲ ተዋሕዶ AHATI TEWAHEDO: ኢትዮጵያዊቷ ቅድስት ወለተ ጴጥሮስ ንጽሕናንን የሚያጎድፍ የሐሰት መረጃ የያዘ ...

አሐቲ ተዋሕዶ AHATI TEWAHEDO: ኢትዮጵያዊቷ ቅድስት ወለተ ጴጥሮስ ንጽሕናንን የሚያጎድፍ የሐሰት መረጃ የያዘ ...: ወለተ ጴፕሮስ በ17ኛው መቶ ክፍለ  ዘመን ላይ የነበረች ከቅዱሳን አንስት ኢትዮጵያውያን መካከል የምትታወቅ ቅድስት ናት። እናታችን ወለተ ጴጥሮስ በተዋሕዶ ሃይማኖት ጸንታ በቅድስና እና በንጽሕና የኖረች፣ ከዚህ ዓለም ገዢ...

አደባባይ: ከአጠቃላይ የሰበካ መንፈሳዊ ጉባኤ ምን ይጠበቃል? («ውይይት በአደባባይ»)

አደባባይ: ከአጠቃላይ የሰበካ መንፈሳዊ ጉባኤ ምን ይጠበቃል? («ውይይት በአደባባይ»): በዚህ የ«ውይይት በአደባባይ» ዝግጅታችን የሚከተሉትን ዋና ሐሳቦች እና ተያያዥ ጉዳዮች አንስተናል። ተከታተሉት። አጠቃላይ የሰበካ መንፈሳዊ ጉባኤ ይህንን ያህል ሰፊ ውክልና ያለው አካል ቢሆንም ውክልናው በትክክል ምዕመ...

መቅረዝ ዘተዋሕዶ : አንተ ሰው እስኪ ንገረኝ!

መቅረዝ ዘተዋሕዶ : አንተ ሰው እስኪ ንገረኝ!: በቅዱስ ዮሐንስ አፈወርቅ (መቅረዝ ዘተዋሕዶ፣ ሐምሌ 13 ቀን 2008 ዓ.ም.)፡- በስመ አብ ወወልድ ወመንፈስ ቅዱስ አሐዱ አምላክ አሜን!!! አንድን የሥጋ ቁስል ለመፈወስ ለእያንዳንዱ ሰው ከባድ ...

FEREATEWAHEDO /ፍሬ ተዋህዶ: ጥምቀተ ክርስቶስ

FEREATEWAHEDO /ፍሬ ተዋህዶ: ጥምቀተ ክርስቶስ:               ጥ ም ቀ ተ  ክ ር ስ ቶ ስ                                         እንኳን ለብርሃነ ጥምቀቱ በሰላም በጤና አደረሰን በኢትዮዽያ   አኦርቶዶክስ ተዋህዶ ቤተክርስቲያ...

ፈለገ አእምሮ - ዘኦርቶዶክስ ተዋሕዶ : እንዴት እንጸልይ? (የመጨረሻ ክፍል)

ፈለገ አእምሮ - ዘኦርቶዶክስ ተዋሕዶ : እንዴት እንጸልይ? (የመጨረሻ ክፍል): አንድ ሰው ለጸሎት ሲነሳ ዝም ብሎ እንደ ውሃ ደራሽ መሆን የለበትም፡፡ ለምን? እንዴት? መቼ? እጸልያለሁ የሚሉት ጥያቄዎች ሊመለሱ ይገባል፡፡ ለምንና መቼ መጸለይ አለብን የሚለውን በክፍል አንድና ሁለት ዝግጅቶ...

ዜና ዘኦርቶዶክስ ተዋሕዶ: ፩ የቅዱሳን አባቶች ህይወት

ዜና ዘኦርቶዶክስ ተዋሕዶ: ፩ የቅዱሳን አባቶች ህይወት: ከዝክረ ቅዱሳን ዘተዋህዶ ቁ.፪ ትርጉም  በሃዜብ በርሄhttp://eotcssd.org/ethiopian-orthodox-tewahedo-church-youth/61-miscellane

አንዲት ተዋህዶ ኦርቶዶክስ ናት (andit tewahdo orthodox nat) : ሐዋርያው ቅዱስ ጴጥሮስ

አንዲት ተዋህዶ ኦርቶዶክስ ናት (andit tewahdo orthodox nat) : ሐዋርያው ቅዱስ ጴጥሮስ: በስመ አብ ወወልድ ወመንፈስ ቅዱስ አሐዱ አምላክ አሜን! ቅዱስ ጴጥሮስ የተወለደው በገሊላ ባሕር ዳርቻ ( የገሊላ ባሕር ፫ ስያሜዎች አሉት፡- (፩) የገሊላ ባሕር (በገሊላ አውራጃ ስለሚገኝ)፣ በዙሪያ...

ስለ አዳምና ሄዋን ጥያቄ ከነ መልሱ

የኢትዮጵያ ኦርቶዶክስ ተዋህዶ ቤተ-ክርስትያን አስተምህሮ.

☞አንብበው ካልጨረሱት አይጀምሩት!!! ከጨረሱት ለጓደኛወ ያካፍሉት!!
♦ስለ አዳምና ሄዋን ጥያቄ ከነ መልሱ
1/ እግዚአብሔር አዳምን ከፍጥረታት መጨረሻ ለምን ፈጠረው?
2/ እግዚአብሔር ሌሎችን ፍጥረታት አስጎንብሶ ሲፈጥራቸው አዳምን አቅንቶ ለምን ፈጠረው?
3/ እግዚአብሔር አዳምን ለሚቆም ፣የሚተኛ አድርጎ ለምን ፈጠረው?
4/ እግዚአብሔር ለአዳም ስንት ሀብታትን ሰጠው? ምንምን ናቸው?
5/ እግዚአብሔር ሄዋንን ከአዳም ከጎኑ አጥንት ለምን ፈጠራት ? ከግንባር ወይም ከ እግር ለምን አልፈጠራትም?
6/ በገነት ውስጥ ስንት አይነት ዛፎች ነበሩ?
7/አዳምና ሄዋን የእግዚአብሔርን ህግ በማክበር በገነት ውስጥ ምን ያህል ጊዜ ቆዩ?
8/ አዳምና ሄዋንን በእባቢቱ ላይ አድሮ ያሳታቸው ሰይጣን ስም ማን ይባላል?
9/አዳምና ሄዋን ስንት ልጆች ነበራቸው ?
10/ አዳም በተፈጠረ በስንት አመቱ አረፈ?
♦አዳም ማለት ከመሬት የተፈጠረ ያማረ መልከ መልካም ማለት ሲሆን የተፈጠረው ከአራት ባህርያተ ስጋ ማለትም ከነፋስ፣ከእሳት ፣ከውሀ፣ከመሬት እንድሁም ከሶስቱ ባህርያተ ነፍስ ማለትም ከልብ ፣ከቃል፣ከእስትፋስ
የስነ ፍጥረት መካተቻ በሆነች በእለተ አርብ በ3 ስዓተከህቱም ምድር ሚያዝያ 4 ቀን በምድር መካከል በምትገኘው <ኤልዳ> በተባለች ስፍራ የ30 አመት ጎልማሳ ሁኖ በእግዚአብሔር አርአያነት መልክ ተፈጠረ፡፡
ኦሪት ዘፍጥረት 1፣27 ፣ኩፉሌ 5፣6
መልስ ፡-
1/አዳም ከፍጥረታት መጨረሻ ለምን ተፈጠረ?
☞መጨረሻ የተፈጠረበት ምክንያት እግዚአብሔር አምላካችን "በጎ አምላክ" ስለሆነ በጎ አባት ለልጁ አብሮት ከብት ያረባለታል ፣ጥማጅ ያጠምድለታል፣ የኑሮ ጓደኛ ያመጣለታል አስቀድሞየሚበላው፣የሚጠጣው፣የሚገዛውና የሚነዳውን ፈጥሮለት በመጨረሻም በሁሉ ላይ ሊያሰለጥነው አዳምን ፈጠረው፡፡
2/ ሌሎችን ፍጥረታት አስጎንብሶ ሲፈጥራቸው አዳምን ለምን አቅንቶ ፈጠረው?
☞ እሱ ገዥ እናተ ተገዥ ናችሁ ሲል ነወ፣እንድሁም እናተ ፈርሳችሁ በሰብሳላችሁ ትቀራላችሁ እሱ ግን" ትንሳኤ ሙታን " አለው ሲል አቅንቶ ፈጠረው፡፡
3/ አዳምን የሚቆም የሚተኛ አድርጎ ለምን ፈጠረው?
☞ መቆሙ- ሰማያዊ ፣
☞መቀመጡ- ምድራዊ ነህ ሲለው ነው፣
☞የሚተኛ ፣ የሚነሳ አድርጎ መፍጠሩ ደግሞ ☞መተኛቱ- ሞቱን
☞መነሳቱ - ትንሳኤውን ሲነግረው ነው፡፡
4/ እግዚአብሔር አምላክ ለአዳም ስንት ሀብታት ሰጠው? ምን ምን?
☞ሰባት ሀብታትን የሰጠው ሲሆን እነሱም፡-
➊ሀብተ መንግስት (የማስተዳደር ሀብት
➋ሀብተ ክህነት ( የመቀደስ፣የመባረክ፣መስዋዕት የማቅረብ
➌ ሀብተ ትንቢት (የመጣውን የመናገር
➍ሀብተ መዋኢ (የማሸነፍ
➎ሀብተ ሀይል (የጥንካሬ
➏ሀብተ ፈውስ ( የመዳን ፣የመፈወስ
➐ሀብተ ዝምሬ (የመዝሙር
5/ ሄዋን ከአዳም ከጎኑ አጥንት ወስዶ ለምን ተሰራች?ከግንባር ወይም ከእግር ለምን አልሰራትም?
☞ አዳም ለእንሰሳት፣ለሰማይ ወፎች ና ለምድር አራዊቶች ሁሉ ተባእትና እንስት ሁነው ሲመጡ ስም ያወጣላቸው ነበር፡፡ነገር ግን ለአዳም እንደ ራሱ ያለ ረዳት አልተገኘለትም ነበር ፡፡
"እግዚአብሔርም " ሰው ብቻውን ይሆን ዘንድ መልካም አይደለም የሚመቸውን ረዳት ልፍጥርለት አለ ፡፡ኦዘፍ 2፣18
ከዚያም በአዳም ላይ እንቅልፍ አመጣበትና ፈፅሞ ሳይተኛ ፣ፈፅሞ ሳይነቃ ከጎኑ አጥንት አንስት አንስቶ ያችን ስጋ አልብሶ የ15 አመት ቆንጆ አድርጎ ፈጠራት ፣ኦዘፍ 2፣18
አዳምም ስሟንም "ሄዋን" አላት ፣ሄዋን ማለት "ሀይው" ከሚለው የግዕዝ ቃል የተገኘ ሲሆን ትርጉሙም" የህያዋን ሁሉ እናት "ማለት ነው፡፡
ፈፅሞ ሳይተኛ ፣ፈፅሞ ሳይነቃ ሄዋንን መፍጠሩ
☞ፈፅሞ ተኝቶ ቢሆን ኑሮ ምትሀት መስሎት ከየት መጣች ብሎ ይፈራታል
☞ፈፅሞ ነቅቶ ቢሆን ኑሮ ከአካሉ አጥንት ሲነሳለት ያመው ነበርና ይጠላት ነበር ፡፡
☞ከፍ አድርጎ ከግባር ዝቅ አድርጎ ከእግር ያልሰራት ግባርና እግር በልብስ አይሸፈንም ጎኑ ግን በልብስ ይሸፈናልና ተሰውራ ወይም ተሸፍና መኖር ይገባታል ሲል ነው፡፡
በሌላ በኩል ግንባር የባለቤት እግር፣ የቤተሰብ ምሳሌ ነው ፡እሷም ከባለቤቷ በስተታች ከቤተሰብ በላይ ሁና ትኑር ሲል ነው ፡፡ 1ኛ ቆሮ 12፣19-22
እንድህ አድርጎ አዳምና ሄዋንን እስከ 40 ቀን ድረስ በተፈጠሩበት በማዕለ ምድር በቀራንዮ አስናበታቸው
ጌታችን አምላካችንና መድሀኒታችን እየሱስ ክርስቶስ የሚሰቀልበት ቦታ ነውና ከዛም በ40ኛው ቀን አዳምን ብርሃን አልብሰው ፣ብርሀን አጎናፅፈው፣የብርሀን ዘውድ አቀናጅተው በብርሃን ሰረገላ አስቀምጠው ወደ ገነት አስገቡት፡፡
ሄዋንንም በ80 ቀኗ እንደ አዳም ባለ ክብር ወደ ገነት አስገቧት ፡፡ኩፉሌ ፈ 4፣12-15
አዳምና ሄዋን ከእግዚአብሔር የባህሪ ደግነት የተነሳ እርሱን ለማመስገንና ክብሩን ለመውረስ ተፈጠሩ፡፡ ኩፋሌ 4 ፣3-5
እግዚአብሔር ለአዳም ረዳት የፈጠረለት ስለ ሶስት ነገሮች ሲል ነው፡፡
➊ዘርን ለማብዛት
➋ ከዝሙት እንድፀዳና
➌ረዳት እንድትሆነው ነው
6/ በገነት ውስጥ 3 አይነት ዛፎች ነበሩ
➊ ዕፀ መብል -እንድበሉት የተፈቀደላቸው ምግብ ነው
➋ዕፀ በለስ-እንዳይበሉ የታዘዙት ነው
➌ዕፀ ህይወት - እንደ <እግዚአብሔር > ፈቃድ የሚመገቡት የዘለዓለም ህይወት የሚሰጥ ምግብ ነው፡፡
ህግን ጠብቀው በገነት ውስጥ 1000 አመት ከኖሩ ብኀላ እፀ ህይወት በልተው ከገነት ወደ ሰማያዊ እየሩሳሌም (መንግስተ ሰማይ ) እንድገቡ ለበለጠ ክብርና ፀጋ ሽልማት እንድሎናቸው ነበር፡፡ ነገር ግን ያለ ጊዜው ሳቱ እንጅ
'እፀ በለስ ' እንዳይበሉ የታዘዙበት ህግ አዳም ፈጣሪ እንዳለው ፣ለፈጣሪው ያለውን ፍቅር የሚገልፅበትና ተገዥነቱን የሚያሳይበት ነው፡፡
7/ አዳምና ሄዋን የእግዚአብሔርን ህግ በማክበር በገነት ውስጥ ምን ያህል ጊዜ ቆዩ?
☞አዳምና ሄዋን ይህን ህግ በማክበር በገነት ውስጥ ለ7 አመት ከ 2ወር ከ 17 ቀን ኖሩ፡፡
8/ አዳምና ሄዋንን በእባብ ላይ አድሮ ያሳታቸው ሰይጣን ስም ማን ይባላል ?
☞አዳም በሳጥናኤል ተተክቶ መቶኛ ሁኖ ከመላእክት ጋር ተቆጥሮ ነበር ሰይጣንም በእባብ አድሮ አሳቻቸው ጽድቃቸውም ተገፈፈ አዳምና ሄዋንን በእባብ ላይ አድሮ ያሳታቸው ሰይጣን ስም ' ጋርድኤል ይባላል፡፡
በመሆኑም አትብሉ የተባሉትን እፀ በለስ ህጉን አፈረሱ ከገነት ተባረሩ ፡ኦዘፍ 3፣1 ኦዘፍ 3 ፣22-24
9/ አዳምና ሄዋን ስንት ልጆች ነበሯቸው?
☞ ከገነት ከተባረሩ ብኀላ በደብረ ቅድስት ይኖሩ ነበር፡
አዳምና ሄዋን በሰሩት ሀጢያት በመፀፀታቸውና በንሰሀ በመመለሳቸው "እግዚአብሔር" መሀሪ ነውና 5 ቀን ተኩል ወይም 5500 ዘመን ሲፈፀም ሰው ሁኖ በመወለድ እንደሚያድናቸው ቃል ኪዳን ገባላቻው ፡፡ኦዘፍ 3፣15-22
አዳም ግን የራሱን ደም በስንደ ለውሶ ሲሰዋ ጌታችን በአንተ ደም አይደለም አለም የሚድነው በእኔ ነው ብሎ ተስፋ ሰጠው፡፡
አዳምና ሄዋንም በምድር ላይ ዘርን ተክተዋል ገብርኤል ፣ሚካኤል ፣ሩፋኤል ወርቅ ,እጣን,ከርቤ አምጥተው ለአዳም ሲሰጡት ወርቁን ማጫ ይሁንሽ ብሎ ሰጣት ከዛም አዳምና ሄዋን በ 30 ሩካቤ 60 ልጆችን ወልደዋል
10/ አዳም በተፈጠረ በስንት አመቱ አረፈ?
☞ አዳም በተፈጠረ በ930 አመቱ አረፋ ፡አዳም ለሄዋን የሰጣት ወርቅ ለሴት ሰጠችው ሴትም ለኖህ አስተላለፈው እጣኑንም ኖህ አፅመ አዳም እያጠነ ድኖበታል ፡፡
በአዳም ስም በሀገራችን የተሰሩ ቤተክርስቲያኖች ብዛታቸው 5 ናቸው
በአዳም ስም የተቀረፀው ታቦት ከሶሪያ ኦርቶዶክስ ተዋህዶ ያመጣው ፃድቅ አባት 'መልከአ እግዚአብሔር ' ይባላል፡፡እንድከበር ያደረገው ቅዱስና ሊቁ ያሬድ ማህሌት ነው፡፡
----------ምንጭ----------
መፅሀፈ ኩፉሌ
ኦሪት ዘፍጥረት
ዜና አዳም
ገድለ አዳም
ዜና አበው
ቅዱሳን ታሪክ
---------------------------------
ለአባ ህርያቆብ ፣ለቅዱስ ኤፍሬም ፣ለቅዱስ ያሬድ፣ለአባ ጊወርጊስ ዘጋስጫ የተገለፀች እመቤታችን እኛንም በበረከትና በረድኤት ተጎብኘን ከልጇ ከወዳጇ ከመድሀኒታችን ከእየሱስ ክርስቶስ ጋር ታማልደን አሜን
♦ወስብሐት ለእግዚአብሔር ♦
♦ወለ ወላድቱ ድንግል ♦
♦ወለ መስቀሉ ክብር ♦
አሜን

ሙሴ ተወለደ

ከሙሴ ፊት

በስመ አብ ወወልድ ወመንፈስ ቅዱስ አሐዱ አምላክ አሜን!!!

ከበረከት ጉዲሳ

ክፍል 1

የተወደዳችሁ የዳረጎት ዘተዋሕዶ ጦማር ተከታታዮች በመግቢያችን አንዳንድ ሃሳቦች ላይ ዉይይት አድርገን ነበር እነሆ ቀጣዩ

፩. ሙሴ  ከባርነት ያወጣቸው ህዝቦች እነማን ናቸው?

እስራኤላዊያን በግብፅ   

የእስራኤላዊያን የግብፅ የስደት ታሪክ የሚጀምረው እግዚአብሔር ስሙን ቀይሮ እስራኤል ካለው‹ ‹ነገስታትም ከጉልበትህ ይወጣሉ ለአብርሃምና ለይስሐቅ የሰጠኋትን ምድር ላንተ እሰጣለው  ከአንተም በኃላ ለዘርህ ምድሪቱን እሰጣለው››ዘፍ  34፡10-12 ብሎ ቃል ከገባለት   ከ ያዕቆብ እና  ከልጆቹ ነው፡፡  ያዕቆብ አስራ ሀለት ልጆች ነበሩት እነሱም ከልያ የተወለዱት  ሮቤል፣ስምዖን፣ሌዊ፣ይሁዳ፣ይሳኮር እና ዛብሎን ናቸው፡፡ ከራሔል የተወለዱት ደግሞ  ዮሴፍ እና ብንያም ናቸው፡፡ ከራሔል ባርያ ከ ባላ የተወለዱት  ዳን እና ንፍታሌም  ናቸው፡፡ እነዲሁም ከልያ ባርያ ከዘለፋ የተወለዱት  ደግሞ ጋድ እና አሴር ናቸው፡፡   ከእነሱ መካከልም ያዕቆብ በእርጅናው ወቅት የወለደው በመሆኑ አብልጦ የሚወደው ዮሴፍን ነው፡፡ ካለው ፍቅረም የተነሳ በብዙ ኅብር ያጌጠች ቀሚስም ከሌሎቹ ወንድሞቹ ለይቶ አድርጎለታል፡፡ በዚህም ወንድሞቹ ይጠሉት ስለነበር ከአባቱ ተልኮ ወደነሱ ዘንድ በመጣ ሰዓት ተመካክረው ለእስማኤላዊያን በ20 ብር ሸጡት እስማኤላዊያንም ወደ ግብፅ ወስደው በግብፅ ለፈርኦን ጃንደረባ ለዘበኞቹ አለቃ ለጴጢፋራ ሸጡት ዮሴፍም በጌታው ፊት ሞገስን ስላገኘ በቤቱ ሾመው ካለውም ሁሉ ሰጠው  ዮሴፍ መልከ-መልካም በመሆኑ የጌታው ሚስት ከሷ ጋር እንዲተኛ አስገደደችው ልብሱንም ተጠምጥማ ያዘች ዮሴፍ ግን ኃጢአት ላለመስራት እነዲሁም ጌታውን ላለመበደል ሲል ልብሱን ጥሎላት ትቷት ወጣ በዚህም  <ሊሳለቅብኝ ወደ እኔ ገባ>ብላ በሀሰት  ከሰሰቸው  ጌታውም በቁጣ ዮሴፍን ወደ ግዞት ቤት አስገባው፡፡ በዛም ሳለ በግዞት ቤቱ አለቃ ፊት ሞገስን አገኘ በዛው ሳለ በድለው ለመጡ ለፈርኦን የጠጅ አሳላፊ እና የእንጀራ አበዛ ህልምን ፈቶላቸዋል ይህም ህልም ፈቺነቱ ታውቆ ለፈርኦንም ሰባቱን የጥጋብ ዘመን እነዲሁም ሰባቱን የረሀብ ዘመን የፈታውም ዮሴፍ ነው፡፡ በዚህም ፈርኦን ዮሴፍን ‹ሁሉ ነገር እግዚአብሔር ላንተ ገልጾልሃልና ካንተ በቀር ብልህ የሚሆን ዓዋቂ ሰው  የለም በቤቴ ሁሉ አንተ ተሾም ሠራዊቴንም ሁሉ ለአንተ ቃል ይታዘዝ› ብሎ በግብፅ ምድር በሙሉ ተሾመ  ዮሴፍ በፈርኦን ፊት ሞገስን ከማግኘቱ የተነሳ የጣቱን ቀለበት አደረገለት ነጭ ሀርም አለበሰው የወርቅ ዝርግፍም አሠረለት ስሙንም እስፍንቶፎኔህ አለው ‹‹ወሰየሞ ሶሞ ፈርዖን ለዮሴፍ እስፍንቶፎኔህ››  ትርጓሜውም መዝገበ ኅቡአት ፣ ሊቀ ማእምራን ማለትነው አማርኛ ፍቺውም የአዋቂዎች አዋቂ ማለት ሲሆን በተለምዶ አራት አይና ይባላል፡፡  

የሰባቱ የድርቅ ዘመን በግብፅ አስቀድሞ ስለታወቀ በሰባቱ የጥጋብ ዘመን የተጠራቀመውን እህል በሰባቱ የረሀብ ዘመን ይሸጡ ነበር፡፡ በዚህም ያዕቆብ በግብፅ እህል እንዳለ ሰምቶ አስሩን ልጆቹን ወደ ግበፅ ላካቸው እህልም እንዲሸምቱ አዘዛቸው ብንያም ግን ከአባቱ ጋር ቀረ በግብፅ በደረሱ ሰዓትም ወንድማቸው ዮሴፍ አወቃቸው በመጀመሪያ ራሱን አልገለጠላቸውም ነበር በኃላ ግን እራሱን ገለጠላቸው አትዘኑም አላቸው በደስታም አቀፋቸው ‹‹እግዚአብሔር ሕየወትን ለማዳን ከእናንተ ፊት ሰዶኛልና›› አላቸው አባታቸውንና የቤትን ሰዎች ሁሉ ከብቶቻቸውንም ጭምር ይዘው ወደ ግብፅ እንዲመጡ ነገራቸውም በመጡም ሰዓት በጌሴም ተቀበላቸው

አሳረፋቸውም፡፡ ጌሴም በብሉይ ኪዳን መሰረት በታችናው (ሰሜናዊ) ግብፅ በአባይ ወንዝ አፍ ሠፈር ትገኛለች እስራኤላውያን በጌሴም 400 ዓመታትን ቆይተዋል፡፡ ጌሴም ራምሴም በመባል ትታወቃለች፡፡፡ እስራኤላዊያን ወደ ግብፅጌሴም ሲገቡ 70 ሆነው ነበር፡፡ (ዘፍ 37 -ዘፍ 50 )

ዮሴፍ የተሸጠው በ17 አመቱ ነው በፈርኦን ሲሾም 30 ዓመቱ ነበር ያረፈው 110 ዓመቱ ነው በሳጥን አድርገው ያኖሩትም  በዛው በግብፅ ነው፡፡ በግብፅ ዮሴፍን የሚጠላ ንጉስ ተነሳ ‹እነሆ የእስራኤል ልጆች ብዙ ጽኑ ሆኑ ይበረታቱብናል ፈፅመው በዝተዋል ከእኛም እነሱ ይፀናሉ ከጠላቶቻችን ጋር ሆነው ዕኛን ይወጉናል ካገራችንም ያስወጡናልና ኑ ብልሃት እንስራባቸው ጡብ እናስጥላቸው ጭቃ እናስረግጣቸው ኖራ እናስወቅጣቸው› አለ ብሎም አልቀረ መከራን ዕንዲያፀኑባቸው የሰራተኛ አለቆችን ሾመባቸው እስራአላውያን ግን መከራ ያጸኑባቸውን ያህል እንደ መከራው ብዛት እየበዙ እየጸኑ ነበር በዚህም አልበቃ ብሎ ንጉሱ ለዕብራዊያን ሴት አዋላጆች‹ ወንድ ከተወለደ ይገደል› ብሎ ትዕዛዝ ሰጠ ነገር ግን አዋለጆቹ እግዚአብሔርን ፈርተው የንጉሱን ትዕዛዝ ሳይፈፅሙ ቀሩ እስራኤላዊያንም ዳግም በአዋላጆች በጎነት በእግዚአብሔርም ቸርነት በዝተው በረቱ ዳግም ንጉሱ የተወለደ ወንድ ልጅ በውሀ ይጣል ብሎ አወጅ አወጣ

               በዚህ ጊዜ ለህዝቡ ተስፋ የሚሆን ሙሴ ተወለደ

 

አዲስ ዘመንና ቀመሩ

በኢትዮጵያ ኦርቶዶክስ ቤተክርስቲያን ዘመን የሚቆጠርበት፣ ቀመር የሚቀመርበት ትምህርት ባሕረ ሐሳብ ይባላል። ባሕረ ሐሳብ ከሁለት የግእዝ ቃላት የተገኘ ነው። ባሕር ማለት በዘይቤ ሳይሆን በምሥጢር ወይም በምሳሌው ዘመን ማለት ነው፤ “በመዳልው ደለወ ዓለመ በመሥፈርት ሠፈራ ለባሕር” እንዲል። ባሕርን ሰፈራት ይላል፤ ባሕር የሚሠፈር ሳሆን ባሕርን ዘምን ለማለትና ዘመን በአዕዋዳት የሚታወድ፣ በቀመር የሚቀመር፣ የሚሠፈር መሆኑን ለማሳየት ነው። ሐሳብ ማለት ፍችው ብዙ ቢሆንም  እዚህ ላይ በአጭሩ ቁጥር ማለት ነው። “ኢትትሐሰብሙ ወርቆሙ ወብሩሮሙ ወለጽድቅከኒ አልቦቱ ሐሳብ” (ለቸርነትህ ቁጥር ሥፍር የለውም) እንዲል አረጋዊ መንፈሳዊ፤ እንዲሁም ቅዱስ ዳዊት “ብፁዓን እለ ተኀድገ ሎሙ ኃጢአቶሙ ወእለ ኢሐሰበ ሎሙ ኵሎ ጌጋዮሙ” (ኃጢአታቸው የተተወላቸው፣ በደላቸው ያልተቆጠረባቸው ብፁዓን ናቸው) መዝ. 31፥1 ይላል። ስለዚህ ባሕረ ሐሳብ ማለት የዘመን አቆጣጠር ማለት ይሆናል። ሐሳበ ባሕርም ቢል ቁጥር ያለው ዘመን ማለት ነው። ኢትዮጵያውያን የዘመን አቆጣጠራቸውን፤ የበዓላትና የአጽዋማት አከባበራችን የሚመነጨው ከባሕረ ሐሳብ ነው።
የዘመን መለወጫ በመስከረም ስለመሆኑ
ሌሊቱ አልፎ ቀኑ ሲተካ ነጋ እንደምንል ክረምቱም አልፎ በጋው ሲተካ መስከረም ነጋ(ጠባ) እንላለን ይህም ከጨለማ ወደ ብርሃን ወጣን እንደማለት ነው። እንደዚሁም ሌሊቱን እንደምን አደራችሁ? ክረምቱን እንደምን ከረማችሁ? በማለትም ሰላምታ እንለዋወጣለን መልሱም እግዚአብሔር ይመስገን ብቻ ነው። ምክንያቱም ግርማ ሌሊቱን አሳልፎ ንፁህ አየርና ሰማይ ለማየት ላበቃን አምላክ ምስጋና ማቅረብ ተገቢ ስለሆነ ነው። መስከረም አሮጌው ዘመን አልፎ አዲሱ ዘመን የሚተካበት የወሮች መጀመሪያና የምድር ፍሬና የአደይ አበባ መታየት የሚጀምርበት ለፍጥረት ሁሉ አመች የሆነ የደስታ የተስፋና የበረከት ወር ነው። ስለዚህም ነቢዩ ዳዊት “በቸርነትህ ዘመን የተገኘውን እህሉን ታበዛዋለህ ተራሮች ልምላሜን አግኝተው ደስ ይሰኛሉ። የምድረ በዳ ተራሮችም በዝናብ ይረካሉ። ኮረብቶችም ደስ ብሏቸው ልምላሜውን እንደዝናር ይታጠቃሉ። የበግ አውሮች ስብን ይሰባሉ። ሸለቆዎችም እህልን ተሞልተው በደስታ ያመሰግናሉ ይዘምራሉ።” መዝ. 64፥11
መስከረም የዘመን መለወጫ ወርና ዕለት የሆነበት ምክንያት፤ ይሄውም የአዳም አስረኛ ትውልድ በሆነው በኖህ ዘመን የነበረው ማየ አይህ ከገፀ ምድር ጐድሎ ርግብ ለምለም ቅጠል ይዛ የመጣችበት እንዲሁም ኖህ ከመርከብ የወጣበት እግዚአብሔር አምላካችን በምድር ዘመን ሁሉ መዝራትና ማጨድ፣ ብርድና ሙቀት፣ በጋና ክረምት፣ ቀንና ሌሊት አያቋርጡም ብሎ ቃል ኪዳን የገባበት ስለሆነ ዓለም በዚህ ወር ይጀምር ነበረ (ዘፍ. 8፥8-22) ።
ሁለተኛም የኖህ ልጅ ካም ከወንድሞቹ ጋር ዕጣ በተጣጣሉ ጊዜ አፍሪካ ደረሰው ካም ወደዚህ ምድር የገባውም ልምላሜና አበባ ደምቆ አሸብርቆ በሚታይበት፣ ሌሊትና መዓልት በሚተካከሉበት በመስከረም ወር ነበር። እግዚአብሔር ለእስራኤል ነጻ የወጣችሁበት ወር የዓመት መጀመሪያ ይሁናችሁ እንዳላቸው ሁሉ (ዘጸ. 12፥2) የካም ልጆችም ይህንን ወደ ኢትዮጵያ የገቡበትን ወር የዓመት መጀመሪያ ይሁነን ብለው ርዕሰ ዓውደ ዓመት አድርገው ሰይመውታል (ኢሳ. 30፥29)።
እንቁጣጣሽ
እንጣጣሽ ልጆች ለወላጆች በአዲሱ ዓመት ዕለት የሚያቀርቡት የእንኳን አደረሳችሁ ገጸ በረከት ነው። ይኸውም ምሳሌ ዘፍ. 8፥8 በተጻፈው ታሪክ ላይ የተመሰረተ ነው። ርግብ የለመለመ የወይራ ቅጠል ይዛ ወደ ኖኅ ስለመጣች እጁን ዘርግቶ ተቀበላት ውሃም ከምድር እንደለቀቀ አወቀ ብሏል።
ሕጻናት እንደ የዋህ ርግብ ወላጆች እንደ ኖኅ ክረምት እንደ ማየ አይኅ በማድረግ ስጦታ ይሰጣሉ።
ሌላው ታሪክ ንግስተ ሳባ ለንጉሥ ሰሎሞን መቶ ሃያ መክሊተ ወርቅ እጅግም ብዙ ሽቱ የከበረ እንቈ ሰጠችው ይላል። (1ኛ ነገ 10፥10፣ 2ኛ ዜና 9፥9) ወርቅ እንቁ በፊቱ ስታቀርብለት “እንቋዕ እንቋዕ መጻእኪ ወለለ ዓመቱ ያምጽእኪ” (እንኳ እንኳ መጣሽ በየዓመቱ ያምጣሽ) ብሏት ነበርና የተከተሏት ወታደሮች በየዓመቱ እንቁጣጣሽ ይሏት ነበር።
ሁለተኛው ነጭ የወርቅ ፍልቃጭ የመሰለ ጥጥ ስለ አቀረበች እንቁ ጥጥ አመጣሽ ብሎ ነበር። ስለዚህ ነው። ሦስተኛም አበባ የመሰለ እንቁ ለጣትሽ ብሎ ነበርና በዚህ ተጠራ ይላሉ፡፡
አራተኛም በሉቃስ 1፥8 እንደ ተጻፈው ለዘካርያስ እጣ ደርሶለት ሲያገለግል መልአኩ ተገልጾለት የነገረውን ለኤልሳቤጥ ነግሯት ነበርና ስለዚህ “እንቁ እጣሽ” ተባለ።
ፍጻሜው ግን ለሔዋን ነው “እጸ በለስ መቁረጥሽ መብላትሽ ወደዚህ ዓለም መውረድሽ እንቁ ክርስቶስን ለማምጣት ነው ሲሉ እንቁጣጣሽ ተባለ ይላሉ። በግስ ዘይቤ ሲፈቱም ተንቆጠቆጠ፣ አንቆጠቆጠ በአረንጓዴ ቀጠል በነጭና በቀይ በቢጫ አደይ ወይም ጸደይ አበባ “ምድር ሆይ እግዚአብሔር አንቆጠቆጠሽ ወይም ዕንቡጥ አወጣሽ” በማለት ሊቃውንት ያብራራሉ።
ቅዱስ ዮሐንስ
ዘመን አልፎ ዘመን ሲተካ የመሸጋገሪያው ዕለት ቅዱስ ዮሐንስ ርዕሰ ዓውደ ዓመት ተብሎ ይጠራል። የካህኑ የዘካርያስ ልጅ መጥምቁ ቅዱስ ዮሐንስ በዘመነ ሐዲስ መጀመሪያ ላይ ተነስቶ መንግሥተ ሰማያት ቀርባለችና ንስሐ ግቡ እያለ ስለ ክርስቶስ አዳኝነት አስተማረ በየዓመቱ የዘመኑ መጀመሪያ ዕለት በእርሱ ስም ይጠራል።
በዚህ ዕለት ሕዝበ ክርስቲያኑ ሁሉ በአካባቢው ፀበል ወራጅ ወንዝ ይጠመቃሉ። ይኼውም ዮሐንስ “እኔስ ለንስሐ በውኃ አጠምቃችኋለሁ ጫማውን እሸከም ዘንድ የማይገባኝ ከእኔ በኋላ የሚመጣው ግን ክእኔ ይልቅ ይበረታል፤ እርሱ በመንፈስ ቅዱስ በእሳትም ያጠምቃችኋል” ማቴ. 3፥12 የሚለውን ለማስታወስ ነው። ሁለተኛ ጻድቁ ኢዮብ በዮርዳኖስ ተጠምቆ ከአርባ ዓመት ደዌ ስለተፈወሰ ህዝቡም ከአሮጌው ዘመን ወደ አዲሱ ሲሻገር ከእድፉና ከኃጢአት ነፅቶ ዓውደ ዓመቱን ለማክበር ይጠመቃል (ስንክሳር መስከረም 1)።
ዘመናቱ በወንጌላውያን መሰየማቸው
በኢትዮጵያ የዘመን አቆጣጠር እያንዳንዱ ዘመን በወንጌላውያን የተሰየመ የተጠራ ነው። የጌታችን የመድኃኒታችንን ቅዱስ ወንጌል የጻፉት አራት ወንጌላውያን ማቴዎስ፣ ማርቆስ፣ ሉቃስና ዮሐንስ ናቸው። ወንጌል ማለት የምሥራች ማለት ሲሆን በምድር ላይ ነግሦ የነበረው ሞተ ሥጋ ሞተ ነፍስ በጌታችን በመድኃኒታችን በኢየሱስ ክርስቶስ ተወግዶ ድኅነተ ሥጋ ድኅነተ ነፍስ መደረጉ፣ የሰው ልጅ ከሞት ወደ ሕይወት፣ ከጨለማ ወደ ብርሃን መሸጋገሩ፣ ከዲያብሎስ ቁራኝነት ነፃ መውጣቱ የተነገረው በወንጌል ነው። ይህች ደገኛይቱ ሕግ የተባለችውን ወንጌልን አራቱ ወንጌላውያን በተለየ ቦታ በተለያየ ጊዜ ሆነው ነገር ግን በመንፈስ ቅዱስ ተመርተው በምሥጢር ሳይለያዩ ጽፈው ለእኛ አበርክተዋል። ለዚህ ውለታቸው የቀደሙት ቅዱሳን አባቶቻችን ዘመናት በስማቸው እንዲሰየሙ ደንግገዋል።
የዘመኑን ወንጌላዊ ለማወቅ 5500 ዓመተ ዓለምና ዓመተ ምሕረቱን ደምረን ለአራት ስናካፍል ቀሪው 1 ከሆነ ማቴዎስ፣ 2 ከሆነ ማርቆስ፣ 3 ከሆነ ሉቃስ፣ አልቦ (ዜሮ) ከሆነ ዮሐንስ ነው።
ከላይ እንደተመለከትነው አዲስ ዘመን የሚጀምረው መስከረም አንድ ቀን ሆኖ ይኸው በባሕረ ሐሳብ ዕለተ ቀመር ይባላል፤ ኢትዮጵያውያን ቁጥር የምንጀምርበት ስለሆነ ዕለተ ቀመር ተብሏል። ይህ ወቅት በደመና የተሸፈነው ምድር በጊሕ የሚተካበት፣ ብርሃን የሚፈነጥቅበት፣ ምድር አረንጓዴ ለብሳ ልምላሜዋ የሚታይበት የአትክልቱ መዓዛ የሚያውድበት ወቅት ነው።
በዚህም የተነሳ የሰው አእምሮ ይታደሳል ይለወጣል። በአዲስ መንፈስም ለሥራ የሚነሣሣበት ወቅት ነው። ቅዱስ ጴጥሮስ በ1ኛ ጴጥ. 4፥3 ላይ “ያለፈው ዘመን ይበቃችኋል” የሚል ኃይለ ቃል አስቀምጧል። ከዚህ ኃይለ ቃል በርካታ ነገሮችን የምንማርበት ነው። አዲስ ዘመን ሲመጣ በዓል አክብሮ፣ ዘመኑን ቆጥሮ ማለፍ ብቻ ሳይሆን ካለፈው ዘመን የምንማራቸው ነገሮችን ለይተን ማስቀመጥና ጥሩ ሠርተን ያለፍነውን ማጠንከር፣ ያጐደልነውንና የደከምንበትን ጉዳይ ደግሞ የምናሻሽልበት የምንለውጥበትን መንገድ መቀየስ ይገባል። በተለይም በአዲስ ዘመን “ለዘኃለፈ ሥርየት ወለዘይመጽእ ዕቅበት” (ያለፈውን ይቅር በለን፤ በሚመጣው ይጠብቀን”) የምንልበት ሊሆን ይገባል። ቅዱስ ጴጥሮስ እንዳስተማረው “የአሕዛብን ፈቃድ የፈጸማችሁበት ማለትም ዝሙትንና ምኞትን፣ ስካርንና ወድቆ ማደርን፣ ያለልክ መጠጣትንና ጣዖት ማምለክን ያደረጋችሁበት ዘመን ይበቃችኋል።” ባለው መሠረት ራሳችንን ለኃጢአት ያስገዛንበት ዘመን ከሆነ ለገቢረ ጽድቅ፤ በአምልኮተ ጣዖት የተያዝንበት ከሆነ ወደ አምልኮተ እግዚአብሔር የምንመጣበትን፤ ነፍሳችንንም ሆነ ሥጋችንን አንጽተን ራሳችንን የምንለውጥበት ሊሆን ይገባል። አለበለዚያ ዘመኑ በላያችን ላይ እየተፈራረቀብን እየተቀየረ እኛ ግን በዚያ ቆመን በጠባይና ግብራችን የማንለውጥ ከሆነ ከንቱ ነው። እግዚአብሔር ይህን ዕድሜ የሰጠን ለንስሐ ነውና  ዘመኑ ሲለወጥ እኛም አብረን በንስሐ እየታጠብን በሐሳብ እየጐለመስን ልንለወጥ ይገባል።
እንግዲህ የክረምቱ ደመና ተወግዶ፣ ጨለማው ተገፎ በምትኩ ጎሕ የሚቀድበት፤ ብርሃን የሚፈነጥቅበት እንደሆነ እም በአሮጌው ዘመን በሕይወታችን ውስጥ ተጋርዶ የቆየውን ጨለማ አስወግደን ብሩሕ ተስፋ የምንሰንቅበት፣ አዲስ ዕቅድ አቅደን፣ የጐደለንን መሙላትና ድካማችንን በብርታት ማረም ይገባናል። ከዘመኑ ጋር አስተሳሰባችንን አመለካከታችንን ጭምር አብሮ መለወጥ አለበት።
አዲሱ ዘመን የሰላም፣ የብልፅግና፣ አዳዲስ ነገሮችን አቅደን እነዚህንም በመፈጸም ራሳችንን፣ ቤተክርስቲያናችንንና ሀገራችንን የምናሳድግበት የምንለውጥበት እንዲሆንልን የእግዚአብሔር ቸርነት፣ የድንግል ማርያም አማላጅነት፣ የቅዱሳን ጸሎትና በረከት አይለየን።

ምንጭ፡ መዝሙረ ማኅሌት ወቅዳሴ በመምህር አፈወርቅ ተክሌ (የቅኔ መምህር) 2004 ዓ.ም የ2004ዓ.ም የመስቀል ደመራን በዓል አስመልክቶ በኢ/ኦ/ተ/ቤ/ን መንበረ ፓትርያርክ ጠቅላይ ጽ/ቤት የተዘጋጀ ልዩ ዕትም መጽሔት

http://www.sturaelmb.org/bereket.html

ሰማዕት ቅዱስ መርቆሬዎስ (ፒሉፓዴር)

በስመ አብ ወወልድ ወመንፈስ ቅዱስ አሐዱ አምላክ አሜን::

=>ለክርስትና ሃይማኖት የሚከፈል ትልቁ ዋጋ ሰማዕትነት ነውና ቤተ ክርስቲያን ለምስክሮቿ ሰማዕታት ልዩ ክብር አላት:: ከኮከብ ኮከብ እንዲበልጥ ሁሉ ከሰማዕታትም ቅዱስ ጊዮርጊስን እና ቅዱስ መርቆሬዎስን የመሰሉት ደግሞ ክብራቸው በእጅጉ የላቀ ነው::

+ቅዱስ መርቆሬዎስን ብዙ ጊዜ ሊቃውንት ካልዕ / ሁለተኛው ሊቀ ሰማዕታት ሲሉ ይገልጹታል:: ጥንተ ነገሩስ እንደ ምን ነው ቢሉ:-

+በ2ኛው መቶ ክ/ዘመን መጨረሻ አካባቢ ከሮም ግዛቶች በአንዱ (አስሌጥ) ከአባቱና ከሚስቱ ጋር የሚኖር 'አሮስ' የሚሉት ሰው ይኖር ነበር:: ሚስቱ ደም ግባት የሠመረላት: እርሱም ደግነት ያለው ሰው ቢሆኑም የሚያመልኩት ግን ጣዖትን ነበር::

+አንድ ቀን አሮስ ሚስቱን ከቤት ትቶ ለአደን ከአባቱ ጋር ወጣ:: እንደ ልማዳቸው ወጥመዱን አስተካክለው ተደበቁ:: የወጥመዱ ደወል ሲያቃጭል: 'እንስሳ ተያዘልን' ብለው ሲሯሯጡ ዐይናቸው ያየው ነገር በድንጋጤ እንዲፈዙ አደረጋቸው:: 2 ገጻተ ከለባት በወጥመዱ ውስጥ ተይዘው ነበር::

+እነዚህ ፍጡራን ሰዎች ናቸው:: ግን ባልታወቀ የተፈጥሮ አጋጣሚ እንደዚህ እንደ ሆኑ ይታመናል:: ግን እጅግ ግዙፍ: ከአንገታቸው በላይ እንደ ውሻ: ወገባቸው እንደ ሰው: ጉልበታቸው እንደ አንበሳ ሲሆን ታችኛው እግራቸው የጋለ የናስ ብረት ነው የሚመስል::

+እነዚህን ፍጡራን ሰማያዊ ካልሆነ ምድራዊ ፍጡር አይችላቸውም:: አንበሳና ነብርን እንኩዋ እንደ ጨርቅ በጣጥሰው ይጥሏቸው እንደ ነበር ይነገራል:: ዐይናቸው እንደ እሳት ይነድ ስለ ነበር ማንም ትክ ብሎ ሊያያቸው አይችልም:: ምሥጢራቸውን ግን የሚያውቀው የፈጠራቸው አምላክ ነው::

+ወደ ቀደመ ነገራችን እንመለስና:- አሮስና አባቱ ባዩአቸው ጊዜ ደንግጠው ወደቁ:: ገጻተ ከለባቱ የብረት ወጥመዱን እንደ ክር በጣጥሰው የአሮስን አባት በቅጽበት በሉት:: አሮስን ሊበሉት ሲሉ ግን ድንገት ቅዱስ መልአክ ወርዶ በእሳት ሰይፍ አጠራቸው::

+"ከእርሱ የሚወጣ ቅዱስ ፍሬ አለና እንዳትነኩት" አላቸው:: ወዲያውም መልአኩ ያንን ኃይለኝነታቸውን አጠፋው:: በዚህ ጊዜ 2ቱም ወደ አሮስ ሒደው ሰገዱለት:: አሮስም ወደ ቤቱ ወስዶም ደበቃቸውና የሆነውን ሁሉ ለሚስቱ ነገራት::

+ጥቂት ቆይታም ጸንሳ ወለደች:: ልጃቸውን ፒሉፓዴር (ፒሉፓተር) ሲሉ ስም አወጡለት:: ትርጉሙም "መፍቀሬ አብ-የአብ ወዳጅ" ማለት ነው:: ከዚያም አሮስ ሚስቱን ልጁንና 2ቱን ገጻተ ከለባት ይዞ ወደ ቤተ ክርስቲያን ሒዶ ተጠመቀ::

+አበው ካህናት እሱን 'ኖኅ': ሚስቱን 'ታቦት': ልጁን ደግሞ 'መርቆሬዎስ' ሲሉ ሰየሟቸው:: መርቆሬዎስ ማለትም "ገብረ ኢየሱስ ክርስቶስ-የኢየሱስ ክርስቶስ አገልጋይ" እንደ ማለት ነው::

+ከዚያም ደስ እያላቸው: ክርስቶስን እያመለኩ: ነዳያንን እያሰቡ: ልጃቸውን መርቆሬዎስን አሳደጉ:: ነገር ግን የገጻተ ከለባት ወሬ በመሰማቱ ንጉሡ 'ካላመጣሃቸው' አለው:: ኖኅ ጸልዮ ወደ ኃይለኝነታቸው መልሷቸው ስለነበር ፊታቸው ገና ሲገለጥ ብዙ አሕዛብ በድንጋጤ ሞቱ::

+ንጉሡም ስለ ፈራ ኖኅን የጦር መኮንን አደረገው:: በጦርነት ጊዜም ገጻተ ከለባቱ ኃይላቸው ስለሚመለስ ተሸንፎ አያውቅም ነበር:: አንድ ጊዜ ግን 2ቱን ገጻተ ከለባት ንጉሡ አታሎ ወሰዳቸው:: ሃይማኖታቸውን ሊያስክዳቸው ሲል "እንቢ" በማለታቸው አንዱ ሲገደል ሌላኛው አምልጦ ጠፋ::

+በዚያ ወራትም ኖኅ ለጦርነት ወጥቶ ተማረከ:: ንጉሡ ደግሞ ታቦትን 'ላግባሽ' ስላላት የ5 ዓመት ልጇን ቅዱስ መርቆሬዎስን ይዛ ተሰደደች:: በስደት ጥቂት እንደ ቆየች ግን ባሏን ኖኅን አየችው::

+እርሷ ብታውቀውም እርሱ ዘንግቷት ነበር:: በሁዋላ ግን በሕጻኑ መርቆሬዎስ አማካኝነት ማስታወስ በመቻሉ ደስ አላቸው:: በዚያው በሮም ዙሪያ ሳሉም አንዱ ገጸ ከልብ መጥቶ አገኛቸው:: በዚህም ምክንያት በስደት ሃገርም መኮንን ሆኖ ተሾመ::

+በዚያም ቤተ ክርስቲያንን አንጾ: ቤቱን ቤተ ነዳያን አድርጐ ኖኅ ለዓመታት ኖረ:: ቅዱስ መርቆሬዎስ ወጣት ሲሆንም ወላጆቹ ታቦትና ኖኅ ዐረፉ:: እርሱ ከባልንጀራው ገጸ ከልብ ጋር ሆኖ በጾምና ጸሎት ሲኖር ስለ አባቱ ፈንታ የጦር መሪ አደረጉት::

+በጦርነትም እጅግ ኃያል: በሰው ዘንድም ፍጹም ተወዳጅ: የጾምና የጸሎት ሰው ሆነ:: ያን ጊዜ ግን ዳክዮስ ንጉሡ ክርስቶስን በመካዱ ምዕመናን ላይ ሞት ታወጀ:: በጊዜው ደግሞ የበርበር ሰዎች በሮም መንግስት ላይ ጦርነትን በማንሳታቸ ውዳኬዎስና ቅዱስ መርቆሬዎስ ለጦርነት ወጡ::

+ነገር ግን በርበሮች እንደ አሸዋ ፈሰው ብዛታቸውን ሲያይ ንጉሡ ደነገጠ:: ለማግስቱ ቀጠሮ ተይዞ ቅዱስ መርቆሬዎስ ሲጸልይ ቅዱስ ገብርኤል ወርዶ ሰይፍ ሰጠው::

+በማግስቱም 'ምን ይሻላል?' ሲባል ቅዱስ መርቆሬዎስ "እኔ የክርስቶስ ባሪያ ነኝና ብቻየን እቁዋቁዋማቸዋለሁ" ቢል ሳቁበት::

+እርሱ ግን በጥቁር ፈረሱ (አብሮት ያደገ ነው) ተጭኖ በርበሮችን "ጠብ ይቅርባችሁ: በሰላም ሒዱ" ቢላቸው ተሳለቁበት:: ያን ጊዜም ጸሎት አድርሶ የመልአኩን ሰይፍ ሲመዘው ብዙዎቹ ወደቁ:: ከበርበሮችም ለወሬ ነጋሪነት እንኩዋ የተረፈ ::

+ነገሩ በሮም ሲሰማ ታላቅ ሐሴት ሆነ:: ዳሩ ግን ከሃዲው ዳኬዎስ 'ድሉ የጣዖቶቼ የነ አዽሎን ነው' በማለቱ ቅዱስ መርቆሬዎስ ሲያዝን አደረ::

+በ3ኛው ቀንም 'ለጣዖት ሠዋ' የሚል ትዕዛዝ ከንጉሡ ዘንድ መጣ:: ቅዱሱ ግን ወደ አደባባይ ሔደ:: የክብር ልብሱንና መታጠቂያውን አውልቆ በንጉሡ ፊት ወረወረው::

+"ሃብትከ ወክብርከ ይኩንከ ለኃጉል: ሊተሰ ክብርየ ክርስቶስ ውዕቱ (ለእኔስ ክብሬ ክርስቶስ ነውና ንብረትህ ለጥፋት ይሁንህ)" ሲልም ንጉሡን በአደባባይ ዘለፈው:: ዳኬዎስም በቁጣ እሳት አስነድዶ: የብረት አልጋውንም አግሎ ቅዱስ መርቆሬዎስን በዚያ ላይ አስተኛው::

+ያም አልበቃ: ወታደሮች እየተፈራረቁ ሲደበድቡት ደሙ ፈሶ እሳቱን አጠፋው:: ለዚያ ነው ሊቃውንት:-
"አመ አንደዱ ላእሌከ ውሉደ መርገም:
እምቅሡፍ አባልከ እንተ ውኅዘ ደም:
አርአያ ዝናም ብዙኅ አጥፍኦ ለፍህም" ያሉት::

+ከዚያም ወስደው ወኅኒ ቤት ውስጥ ጣሉት:: ክርስቶስን ያስክደው ዘንድ በረሃብ: በግርፋት: በእሳት: በስለትም አሰቃየው:: በመጨረሻ ግን አሰቃይተው እንዲገድሉት ወደ እስያ ሰደደው:: በስፍራውም ብዙ አሰቃይተው ኅዳር 25 ቀን አንገቱን ሰይፈውታል::

+እርሱ ካረፈ በሁዋላም የተባረከ ፈረሱ ለዓመታት ወንጌልን ሰብኩዋል:: አረማውያንንም ከአፉ በወጣ እሳት አጥፍቷል:: ተአምረኛውና ኃያሉ ሰማዕት ቅዱስ መርቆሬዎስ በ200 ዓ/ም እንደ ተወለደ: በ220 ዓ/ም መከራ መቀበል እንደ ጀመረና በ225 ዓ/ም ሰማዕት እንደሆነ ይታመናል::

=>ሰማዕቱ በዚህች ዕለት በ4ኛው መቶ ክ/ዘመን ክርስቲያኖችን ያሰቃይና ይገድል የነበረውን ዑልያኖስን ያጠፋበት መታሠቢያ ይከበራል::
<<የቅዱሱ ክብር ታላቅ ነው>>

=>አምላከ ቅዱስ መርቆሬዎስ በከበረ ቃል ኪዳኑ ይጠብቀን:: ከርስቱም አያናውጠን:: ከበረከቱም ይክፈለን::

<ወስብሐት ለእግዚአብሔር>

http://gundemeskel.blogspot.com/2015/10/blog-post_365.html

“ በዚህች ዓመት ደግሞ ተዋት ” ሉቃ.13÷6-9

ጌታችንና መድኃኒታችን ፈጣሪያችንና አምላካችን እግዚአብሔር ወልድ /ኢየሱስ ክርስቶስ/ በመዋዕለ ሥጋዌው በምሳሌ አድርጐ ወንጌልን አስተምሯል፡፡ በምሳሌ ማስተማር ሊተላለፍ የተፈለገውን መልእክት ሲያስተላልፉት ምግብን በጣፈጠ መረቅ ፈትፍቶ እንደ ማጉረስ ያህል ይሆናልና፤ እንዲሁም አንድ መልእከት በምሳሌ ጣፍጦ በቋንቋ ዘይቤ ተውቦ ሲቀርብ ምሥጢሩ ልብን  ይማርካል፡፡ ስለዚህ የሰው አእምሮ በሃይማኖት ልጓም ተስቦ ለምግባረ ጽድቅ እንዲዘጋጅ ጌታችን ለነጋዴው በወርቅ በዕንቁ፣ ለገበሬው በእርሻ በዘር፣ ለባልትና ባለሙያዎች በእርሾ በቡሆ፣…..ወዘተ እየመሰለ ያስተምር ነበር፡፡ማቴ.4÷30፡፡

እኛም ጌታ በምሳሌ ካስተማራቸው ትምህርቶች መካከል ለወቅቱ የሚስማማውን  መርጠን እንመለከታለን በሉቃ.13÷6-9 ላይ ይህንንም ምሳሌ መሰለ “ለአንድ ሰው በወይኑ አትክልት አጠገብ የተተከለች በለስ ነበረች ግን ፍሬ ሊፈልግባት ቢመጣ ምንም አላገኘም፡፡ ስለዚህ የወይን አትክልት ጠባቂዋን እነሆ ከዚህች በለስ ፍሬ ልፈልግ ሦስት ዓመት እየመጣሁ ምንም አላገኘሁምና ቁረጣት፤ ስለምን ደግሞ መሬቱን ታጐሳሉቁላለች? አለው፡፡” እርሱ ግን መልሶ ጌታሆይ ዙሪያዋን እስክኮተኩትላትና ፋንድያ እስካፈስላት ድረስ በዚህች ዓመት ደግሞ ተዋት፡፡ ወደፊት ግን ብታፈራ ደህናነው፤ ያለዚያ ግን ትቆርጣታለህ አለው፡፡”  ተብሎ ተጽፏል፡፡

ይህ ከላይ የተገለጸው ምሳሌ በሊቃውንተ ቤተክርስቲያን ሲተረጐም  /ሲመሰጠር/ እንዲህ ነው፤ የወይን አትክልት የተባለች ኢየሩሳሌም ናት፣ አንድ ሰው የተባለ እግዚአብሔር ነው፣ በለስ የተባሉ ደግሞ ቤተእስራኤል ናቸው፡፡ ነቢዩ ኢሳይያስ “እግዚአብሔር ለዘለዓለም አይራብም ” ይላል ኢሳ.46÷25፡፡ ራሱ ጌታችንም “የእኔስ መብል የላከኝን ፈቃድ አደርግ ዘንድ ሥራውንም እፈጽም ዘንድ ነው፡፡ ” ብሏል ዮሐ.4÷35 ፡፡ ስለዚህ ሰማያዊያን መላእክትን እንዳይራቡ ያደረገ አምላክ እስራኤል ዘሥጋን ገበሬ በማያርስበት ዘር በሌለበት ዝናብ በማይጥልበት ምድረ በዳ መና ከሰማይ አውርዶ የመገበ ጌታ ተራበ ሲባል ያስገርማል! ግን ፍጹም አምላክ እንደ መሆኑ ፍጹም ሰው ሆኗልና አልተራበም አንልም፤ በሥጋ ተርቧልና የዕፀበለስ ፍሬን ፈለገ፡፡

ይኸውም የበለስ ውክልና ከተሰጣቸው ቤተ እስራኤል የሃይማኖትና የምግባር ፍሬን እንደፈለገ ያመለክታል፡፡ “በለስ ዘይቤ ቤተ እስራኤል እሙንቱ ”ተብሏልና እግዚአብሔር አምላክ በብሉይ ኪዳን በቅዱሳን ነቢያት አድሮ የሃይማኖት  /የምግባር/ ፍሬ ባገኝባቸው ብሎ ወደ እስራኤል ሔደ፤ ግን ምንም አላገኘም፡፡ እንዲያውም ሕዝቡ ቅዱሳን ነቢያትን በመጋዝ እየሰነጠቁ፣ በምሳር እየፈለጡ በማጥፋት ከዘመን ዘመን ወደ ተለያየ አዳዲስ ባዕድ አምልኮአቸው ሲገቡ አየ፡፡ ስለዚህ የበለስዋን ጠባቂ “ሦስት ዓመት እየመጣሁ ምንም ፍሬ አላገኘሁባትምና ቁረጣት” አለው፡፡ ሦስት ዓመት ያለው ዘመነ መሳፍንት፣ ዘመነ ነገሥታትና ዘመነ ካህናትን ነው፡፡ በዚህን ጊዜ የወይን ጠባቂዋ የተባለ መጋቤ ብሉይ ቅዱስ ሚካኤል “ተራድቼ ሥራ እስካሠራቸው ድረስ የዘንድሮ ይቅር በላቸው ” እያለ መለመኑን ያጠይቃል፡፡

አንድም ሰው የተባለ አብ ቢሉ በልጁ ህልው ሆኖ፣ ወልድ ቢሉ ሰው ሆኖ ሃይማኖት፣ ምግባር ፍለጋ ወደ እስራኤል ሄደ፡፡ ሦስት ዓመት በመዋዕለ ስብከቱ እየተመላለሰ ሲያስተምራቸውም ምንም ፍሬ አላፈሩምና “ይህችን ዕፀበለስ ቁረጣት ” አለው፡፡ መጋቤ ሐዲስ ቅዱስ ገብርኤል ግን “ ተራድቼ ሥራ እስካሠራቸው ድረስ ይቅር በላቸው፡፡ ”ብሎ ለመነ የጌታን ትምህርት ያልተቀበሉ አይሁድ ግን የንስሐ ንፍሬ ለማፍራት በጄ የሚሉ አልሆኑም፡፡ በአንደበታቸው የአብርሃም ልጆችነን ይላሉ፤ ነገር ግን የአብርሃምን ሥራ ሊሠሩ አልቻሉም፡፡ “ይህ ሕዝብ በከንፈሩ ያከብረኛል ልቡግን ከእኔ የራቀ ነው ” እንዲል፡፡

ስለዚህ ጌታ ከዕፀ በለሷ ዛፍ ምንም የሚበላ ፍሬ ስላላገኘ ረገማት፡፡ አንድም ጌታችን የፈለገውን ባለማግኘቱ ጉባኤ አይሁድን ረገመ፡፡  “በአንጻረ በለስ ረገማ ለኃጢአት ” እንዲል፡፡ ሊቁ ቅዱስ ዮሐንስ አፈወርቅ ስለዚህ ጉዳይ እስራኤል ከበረከት ይልቅ እርግማን እንዳገኛቸው አሕዛብ ደግሞ የእግዚአብሔርን ጸጋ እንዳገኙ ሲገልጽ “አሕዛብ በእግዚአብሔር ቸርነት አበባ ሰበሰቡ፤ በአይሁድ ዘንድ ግን እሾህ ተረፈ፡፡ ይኸውም የሃይማኖት ጉድለት ነው፡፡”ብሏል፡፡

ዛሬም ገበሬ ዘርን ዘርቶ አርሞና ኮትኩቶ ከአሳደገ በኋላ የድካሙን ፍሬ እንደ ሚጠብቅ ሁሉ፤ እግዚአብሔር አምላካችንም በድንቅ መግቦቱ ከአሳደገን ልጆቹ የምግባርና የሃይማኖት ፍሬን ይፈልግብናል፡፡ ግን ጌታ ወደ በለስ ሕይወታችን ቢመጣ ምን ያገኝ ይሆን? ፍሬ ወይስ ቅጠል? የእግዚአብሔር ቃል ግን ለንስሐ የሚገባውን ፍሬ እንድናፈራ ያዘናልና መንፈሳዊ ሕይወታችን እንዳይደክም፣ እንዳይጠወልግ፣ እንዳይደርቅና አላስፈላጊ ሆኖ ሲገኝ ደግሞ ወደ እሳት እንዳይጣል የንስሐን ፍሬ ልናፈራ ይገባናል፡፡ ሕይወት ያለ ንስሓ ክንፍ እንደ ሌላት ወፍ ናትና፡፡

በንስሓ ወደ እግዚአብሔር የሚመለሱ ሰዎች ግን ይቅርታን /ምሕረትን/ያገኛሉ፡፡ እግዚአብሔር የሚመለከተው ያለፈ ማንነታችንን ሳይሆን የዛሬውንና የወደፊቱን ሕይወታችንን ነውና፡፡ ቅዱስ ያሬድ “እግዚአብሔር ኃጢአታችንን በማሰብ እንጠፋ ዘንድ ከቶ አልተወንም ቸር አምላክ ነውና ” እንዲል፡፡ አዎ! እኛ በንስሓ ከተመለስን አምላካችን በኃጢአታችን ላይ አያስኬደንም፤ እርሱ የኃጢአታችንን አድራሻ ክረምት በፈለቀው ባሕር ውስጥ ይጥለዋልና፡፡ ሚክ.7÷18፡፡

እኛ ሰዎች ልብ ካልን በአዲሱ የዘመን መለወጫ ከተፈጥሮ እንኳ ብዙ ነገር መማር እንችላለን፡፡ አዝርእት፣ እፅዋት፣ ታድሰው፣ ቅጠላቸው ለምልሞ በአበባ ተንቆጥቁጠው እናያለን፡፡ ጋራ ሸንተረሩ አረንጓዴ ለብሶ፣ አፍላጋት በየቦታው እየተንፎለፎሉ፤ አዕዋፍ በዝማሬ፣ እንስሳት በቡረቃ ሰማይ ምድሩን ልዩ ያደርጉታል፡፡ ታዲያ ግዑዛኑ ፍጥረታት ጽጌ መዓዛቸውን የአዲስ ዓመት መሥዋዕት አድርገው ሲያቀርቡ እኛስ ምን ይዘናል?

ሰው ሠራሽ ሆኖ መዓዛ የሌለውን፣ ፍሬ የማያፈራውንና አበባ መሰሉን ሳይሆን፣ እግዚአብሔር የፈጠረውን፣ ያለመለመውንና አብቦ መልካም መዓዛ የሚሰጠውን የተፈጥሮ አበባን እንሁን፡፡ ያንጊዜ ዝንቦች ሳይሆኑ ንቦች ማርን ለማዘጋጀት ይቀስሙናል፡፡ ስለዚህ በሃይማኖት ብቻ ያይደለ በምግባርም እናብብ፡፡ ያን ጊዜ ከዘማሪው ክቡር ዳዊት ጋር “በቸርነትህ ዓመታትን ታቀዳጃለህ ምድረ በዳውም ስብን ይጠግባል የምድረ በዳ ተራራሮችም ይረካሉ ” ብለን ለመዘመር እንበቃለን ፡፡ መዝ.64÷11-13፡፡

በአጠቃላይ አዲስ ዘመን የአምላክ ስጦታ /በረከት/ ነው፡፡ ስለዚህ በምድር ላይ የሚኖር ማንኛውም ሰው ዘመኑ በፈጣሪ ምልጣን የተያዘና የተገደበ ነው፡፡ ቅዱስ ዳዊት “አቤቱ እኛ አፈር እንደሆንን አስብ፤ ሰው ዘመኑ እንደ ሣር ነው፡፡ እንደ ዱር አበባም ያብባል ነፋስ በነፈሰበት ጊዜ ግን ያልፋል ” በማለት ሰው ካደገ በኋላ በሕመም ፀሐይነት ይደርቅና በሞት ነፋስነት ይወሰዳል፡፡ ባለፈው ዓመት ብዙዎች ወደ ሞት መንደር ደርሰዋል፤ እኛም እንደ ነርሱ መንገደኞች መሆናችንን እንርሳ፡፡

ነቢየ እግዚአብሔር ኢሳይያስም በበኩሉ“ ሣሩ ይደርቃል፤ አበባውም ይረግፋል፤ የአምላካችን የእግዚአብሔር ቃል ግን ለዘለዓለም ጸንቶ ይኖራል ” በማለት የሰው ሁሉ ክብሩ ሥጋዊ ሕይወቱና ተድላ ደስታው አንድ ጊዜ፣ አንድ ወቅት ለምልሞና አምሮ የሚታይ ሆኖ ሳለ ያው ደግሞ ሳይቆይ የሚጠፋ መሆኑን ያመለክታል፡፡ ኢሳ.40÷8፡፡ ስለዚህ በአዲሱ ዘመን ራሳቸውን ለከፍተኛ ግብ የሚያዘጋጁ ሁሉ ወደ ተቀደሰ መንፈሳዊ ሕይወት ሊሸጋገሩ ይገባል፡፡ ከእግዚአብሔር የተሰጠን እድሜም የአጭር ጊዜ እንግዳ መሆናችንን ስለሚያስገነዝበን የምንሸኘውም እንዲሁ ባልታወቀ ጊዜው ስጥ መሆኑን በመረዳት እውነተኛ ሃሳባችንና ሥራችንን ለተተኪው ትውልድ የማይረሳ አስመስጋኝ ቅርስ መሆን አለበት ፡፡

እንዲህ ዓይነቱ መልካምነት ደግሞ ለክርስቲያን በአዲሱ ዘመን እንደ ሎተሪ ዕጣ የሚደርሰው ሳይሆን ራሱ ፈልጐ የሚሆነው ነው፡፡ ስለዚህ ይልቁንም በአሁኑ ዘመን በመጽሐፍ ቅዱስ የተጻፈው ሁሉ ፍጻሜ እያገኘ ባለበት ዘመን ፍቅር በጠፋበት ዘመን አብዛኛው ሕዝብ ለማይረባ ነገር ብሎ ደገኛ ሃይማኖቱን እየለቀቀ ወደ አልባሌ ቦታ ሲገባ የሕይወት ለውጥ ማምጣት ያስፈልጋል፡፡ እኛ በአዲሱ ዓመት የሕይወት ለውጥን ካሳየን የእግዚአብሔር ጸጋ በውስጣችን ሥራውን በመጀመር በአንድ ሰንሰለት ላይ በርካታ የሕይወት ለውጥን ያመጣልናል፡፡ ይህ የሕይወት ለውጥ በአዲሱ ዘመን ውስጥ ለመኖሩ ተግባራዊ መለኪያው ደግሞ ቀጣይነቱ፣ ፍጹም ተጋድሎውና ግልጽ መሆኑ ነውና ራሳችንን እንመርምር፡፡ 1ጢሞ.4÷7፡፡

የዚያች የወይን ጠባቂ  “ ወደ ፊት ብታፈራ ደህና ነው ያለ በለዚያ ግን ትቆርጣታለህ ” እንዳለ ለነፍሳችን አንድ ነገር ሳንይዝ፣ ዘመናችን እንዳያረጅና እንዳይቆረጥ ዛሬ ለበጐ ሥራ እነነሣ፡፡ መጥመቀ መለኮት ቅዱስ ዮሐንስ አሁንም “ምሳር በዛፎች ሥር ተቀምጧል፤ እንግዲህ መልካም ፍሬ የማያደርግ ዛፍ ሁሉ ይቆረጣል፤ ወደ እሳትም ይጣላል ” ይላልና፡፡ ማቴ.3÷10 እነሆ ! ዛሬ ግን እንደ እግዚአብሔር ቸርነት አሮጌውን ዓመት አሳልፈን ለአዲሱ ዓመት በቅተናል፡፡ ስለዚህ አዲሱን ዓመት በመንፈሳዊ ሕይወታችን ጐልምሰን ፣ ሁላችንም ለተቀደሰ ዓላማ ተሰልፈን፣ ከክፉ ምግባራችንም ተመልሰን የምንቀደስበት የምንባረክበት የሰላም፣ የጤናና የደስታ ዘመን ያድርግልን አሜን!!

ቅዱስ ገብርኤል ሊቀ መላእክት

ሐምሌ አሥራ ዘጠኝ ቅዱስ ገብርኤል የራማው ልዑል ሊቀ መላእክት ቅዱስ ገብርኤል ሕጻኑ ቂርቆስንና እናቱ ቅድስት ኢየሉጣን ከሚነደው እቶን እሳት ያዳነበት ዕለት ነው፡፡ ይህ ቀን ለክርስቲያን ሁሉ የተድላ የፍስሐ በዓል ነው፡፡ የጌታችንን ምሕረትና ቸርነት የመላአኩን አዳኝነት ተራዳኢነት ያየንበት ዕለት ነው፡፡ እኛም ለዕለቱ የሚስማማውን ትምህርት ይዘን ቀርበናል መልካም ንባብ

ሦስት ዓመት እንኳን ሳይሞላው በሁለት ዓመት ከዘጠኝ ወሩ ታላቅ ሰማዕትነትን የተቀበለው ሕጻኑ ቅዱስ ቂርቆስ አባቱ ቆዝሞስ (ስምዖን) እናቱ ኢየሉጣ ይባላሉ፡፡ ሕጻኑ ቅዱስ ቂርቆስ በሕዳር 15 ቀን የተወለደ ሲሆን ሀገሩ በታችኛው እስያ ልዩ ስሙ ሀንጌቤን ይባላል፡፡ ዘመኑ ዘመነ ሰማዕታት ነበርና መምለኬ ጣዖት የሆነው ንጉሥ እስክንድሮስ ቅድስት ኢየሉጣን ‹‹ለጣዖቴ ስገጂ›› ብሎ አስገደዳት፡፡ እርሷም ‹‹ሕጻኑ ልጄ መጥቶ ይመስክር›› ብላ ስትናገር ሕጻኑ ቅዱስ ቂርቆስ ተጠራና ተጠየቀ፡፡ ሕጻኑ ቅዱስ ቂርቆስም ‹‹ለጣዖት አንሰግድም፣ ዘላለማዊ የሆነ የማይሻር አምላክ ስላለ ለእርሱ ነው የምንሰግደው›› ብሎ የአምላኩን ክብር በሕፃን አንደበቱ መሰከረ፡፡ ሕፃኑም ይህንን በመሰከረ ጊዜ ዕድሜው ገና ሁለት ዓመት ከዘጠኝ ወሩ ነበር፡፡

እጅግ በጣም የሚገርመው ቅዱስ ቂርቆስ በከሃዲው ንጉሥ ፊት የጌታችንን ክብር በመሰከረ ጊዜ ንጉሡ እጅግ ተቆጥቶ አርባ ጋን ውኃ የሚይዝ በርሜል አስጥዶ አርባ ቀን ሙሉ እሳት አስነድዶ ቅንጭብ፣ ዘይት፣ ዝፍጥና ሌላም በእጅጉ የሚጎዱ ነገሮችን በውስጡ ጨምሮ ሕፃኑ ቅዱስ ቂርቆስንና እናቱን ቅድስት ኢየሉጣን ወደዚያ እቶኑ እሳት እንዲከቷቸው አዘዘ፡፡

ንጉሡ እስክንድሮስ ጭፍሮቹን “ሰም፣ ጨው፣ ባሩድ፣ሙጫ፣ እርሳስ፣ ብረትን፣ ቅንጭብ፣ ቁልቋል ጨምሩበት” ብሎ አዘዛቸው፡፡ ጭፍሮችም ያዘዛቸውን ከፈጸሙ በኀላ መጥተው “ያዘዝከንን ሁሉ ጨምረንበት ነዶ ፈልቷል” አሉት፡፡ “ድምፁም እንደ ነጎድጓድ ይሰማል፤ ወላፈኑም እንደ ፀሐይ ያንፀባርቃል፡፡ የፍላቱም ኃይል አሥራ አራት ክንድ ያህል እየዘለለ ይወጣል፡፡ በውስጡ የሚጣሉትን ሰዎች እዘዝ” አሉት፡፡ ያንጊዜም ህፃን ቂርቆስንና እናቱን ኢየሉጣን ይዘው ከእስር ቤት አወጧቸው፡፡ በክርስቶስ ስም ስላመኑ በእስር ቤት አግብተው አስረዋቸው ነበርና ፍላቱ ወደ ላይ በሚዘል በብረት ጋን ውስጥ ለመጨመር ሲወስዷቸው በዚያን ጊዜም እልፍ ከአንድ ሺህ አራት መቶ ሰዎች እንዲወጡና በፈላው የብረት ጋን ውስጥ የቅዱሳንን አሟሟት እንዲያዩ ሹሙ አዘዘ፡፡ ቅድስት ኢየሉጣም የፍላቱን ግርማ ባየች ጊዜ ተሸበረች፡፡ ተጠብቆላት ያለውንም ዋጋ ትታ ልትክድ ፈለገች፡፡ ቅዱስ ቂርቆስም ይህን ባወቀ ጊዜ “እናቴ ሆይ ከብረት ጋን ግርማ የተነሳ አትፍሪ፤ ድንጋፄም አይደርብሽ” እያለ ከብሉይና ከሐዲስ እየጠቀሰ እንድትጸና አስተማራት፡፡

“ነገር ግን እናቴ ሆይ አናንያንና አዛርያን፣ ሚሳኤልንም እግዚአብሔር ከዕቶን እሳት እንዳወጣቸው እወቂ፤ እኛንም ከዚህ ከብረት ጋን ውስጥ ሊያድነን ይችላል፡፡ እናት ሆይ ከሚያልፈው ከዚህ ዓለም ጭንቅ ልታመልጭ በሚያልፈው በዘለዓለም እሳት ልትቀጭ ትሻለች፡፡ እናት ሆይ ይህን አትሺ፤ ይቅርብሽ አሁን እግዚአብሔር በመካከላችን አለና ይረዳናል፡፡ ሶስናን ከሀጢያተኞች እጅ ያዳናት እኛንም ከብረት ጋን ያድነናል፡፡ ዳንኤልን ከአንበሶች አፍ ያዳነ እርሱ ያድነናል፡፡ እግዚአብሔር በዚህ ብረት ጋን ውስጥ ግዳጃችን ልንፈፅም ፈቅዶም እንደሆነ የኢዮብን ነፃነት (ትእግስት) ልናገኝ ይገባናል፡፡ እርሱ ልጆቹንና ሚስቱን ያገኘው ገንዘብ ሁሉ አጥቶ በመጨረሻው ሰውነቱን አጥቶ ነበርና ምንም ምንም የቀረበለት አልነበረምና እግዚአብሔርን አመሰግነዋለሁ ከማለት በቀር ያለው ነገር የለም እግዚአብሔር ሰጠ፤ እግዚአብሔርም ወሰደ አለ፡፡ የእግዚአብሔር ስሙ ለዘለዓለም ይመስገን አለ፡፡ እኛም ይህንን መከራ ልንታገስና የተጠበቀልንን ልንከተል ይገባናል…” እያለ አብዝቶ መከራት፡፡ ነገርግን በዚህም ምክር እናቱን መመለስና ለሰማዕትነት ማዘጋቸት አልቻለም፡፡ ከዚህ በኋላ ቂርቆስ ዓይኖቹን ወደሰማይ አቅንቶ መጸለይ ጀመረ፡፡ “እግዚአብሔር ሆይ ይህች ባርያህ ከምትክድ ከህይወት መፅሐፍ እኔን ፋቀኝ አለ፡፡ አቤቱ ይህነን ነገር ልታደርግ አይገባህም፤ አቤቱ እርሻውን ልታቃጥል ፍሬውንም ልትባርክ ትወዳለህን፡፡ አቤቱ እንጨቱን ቁረጡና አንድዱት ቅጠሉን ጠብቁ ብለህ ልታዝ አይገባህም፡፡ እንጨቱንም ቅጠሉንም ጠብቁ ብለህ እዘዝ እንጂ ይህ አይገባህም ያመነብህ ሁሉ ይህን ያየ ዘንድ፡፡ ማዳን የሚችል አምላክ ኑሮአቸው ቢሆን ከዚህ ከእሳት ባልሸሹም ነበር ብሎ እንዳይጠራጠር፡፡ ዲያብሎስ ከባለስልጣኑ ይልቅ እኔ በረታሁ ቅዱሳኑም ድል ነሳኋቸው ብሎ እንዳይመካ፣ ከመንጋውም አንድ በግ ቀማሁ እንዳይል አቤቱ የኃይል መንፈስ ለእናቴ ስጣት አበርታት…” ብሎ ጸለየ፡፡
በዚያን ጊዜ ዲያብሎስ ከእርሷ ሸሽቶ ሄደ፡፡ ከዚህ በኋላ ቅድስት እናቱ እንዲህ አለች፡- በመንግስተ ሰማያት አባት የሆንከኝ ልጄ ሆይ ጌታህ ኃይል ስጠኝ፡፡ የሚጠብቀንን ገድላችንን እንፈፅምና ድል እንነሣ” አለችው፡፡ የብረት ጋኑን ሲነድ ሳየው በምንጭ ላይ በዝቶ እንደሚወርድ ጠል ሁኖ አየዋለሁና፡፡ ቅዱሳንም ይህንን ሲነጋገሩ አንስተው ከብረት ጋኑ ውስጥ ጨመሯቸው፡፡ በውስጡም አንገትን የሚቆለምም ልብን የሚያጣምም ሆድን የሚሰነጥቅ ሥርንም የሚበጥስ መሣሪያ ነበረበት፡፡ ወዲያውም የራማው ልዑል ሊቀ መላዕክት ቅዱስ ገብርኤል እንደ ዐይን ጥቅሻ ፈጥኖ ከሰማይ ወረደና የብረት ጋኑን እሳት ፈጽሞ አበረደው፡፡ ከቅዱሳንም አንዱን እንኳን ሳይነካው የብረት ጋን ማቃጠሉና መፍላቱ ፀጥ አለ፡፡ እንደ ውኃም ሆነ፡፡

ንጉሡም እሳቱ እንዳልጎዳቸው ሲያውቅ ከዚያ አውጥቶ በሕፃኑ ቅዱስ ቂርቆስ አፍና አፍንጫ መርዝ ከተተበት፣ ነገር ግን መርዙ ምንም አልጎዳውም እንዳውም ምግብ ሆነው፡፡ ዳግመኛም ጨውና በርበሬ በዐይኑ አነደደበት፡፡ አሁንም ምንም አልነካውም፡፡ ከዚህም በኀላ ሹም እስክድሮስም አስራ አራት የተሳሉና የጋሉ ብረቶች ያመጡ ዘንድ ዳግመኛ አዘዘ፡፡ ሰባቱን በእናቱ አካል ሰባቱን በሱ አካል ውስጥ ይተክሉ ዘንድ ከነዚሁም ሁለቱን በጆሮዎቹ ሁለቱን በዓይኖቹ ሁለቱን በአፍንጫዎቹ አንዱን በልቡ ይተክሉ ዘንድ አዘዘ፡፡በሕፃኑም ላይ ሹሙ እንዳዘዘው አደረጉበት፡፡ አሁንም ሊቀ መላዕክት ቅዱስ ገብርኤል ከሰማይ ወረደና ፈወሳቸው፡፡
ዳግመኛም የሕጻኑን እራስ ከነቆዳው ገፈው በእሳት ውስጥ ይጨምሩ አንድ ሹም አዘዘ፡፡
እንዲሁም አደረጉበት፡፡ ዳግመኛም ቅዱስ ገብርኤል እንደ ዐይን ጥቅሻ ፈጥኖ መጥቶ ይህንን መከራ ከሕፃኑ አራቀለት፡፡ ዳግመኛም ሹሙ በመቃን ውስጥ ጨመረው በገመድ እንዲሰቅሉት አዘዘ፡፡ ከዚህም መከራ መልአኩ አዳነው፡፡ በዛሬዋ ዕለት ሐምሌ 19 ቀን በዓሉን በታላቅ ድምቀት የምናከብረው ይህንን ሁሉ የሊቀ መላእክት የቅዱስ ገብርኤልን ተራዳኢነት በማሰብ ነው፡፡

ንጉሡም በእንደዚህ ዓይነት ሁኔታ በብዙ ጭንቅና ሥቃይ ሕፃኑ ቅዱስ ቂርቆስንና እናቱ ቅድስት ኢየሉጣን ለ3 ዓመታት አሠቃያቸው፡፡ እነርሱም መከራን እየተቀበሉ በከሀዲው ንጉሥ ፊት የአምላካቸውን ስም እየጠሩ መሰከሩ፡፡ ለእግዚአብሔር የሚሳነው ነገር የለምና ክብሩን ይመሰክሩለት ዘንድ የቢታንያን ድንጋዮችና የበለዓምን አህያ አንደበት ከፍቶ ያናገረ አምላክ ሦስት ዓመት እንኳን ባለሞላው በሁለት ዓመት ከዘጠኝ ወር ሕፃን ልጅ ላይ አድሮ በወቅቱ የነበሩ ዓላውያን ነገሥታት ክብሩን እንዲያውቁ አደረገ፡፡

በመጨረሻም ሕጻኑ ቅዱስ ቂርቆስ ተጋድሎውን ፈጽሞ ጥር 15 ቀን በ3 ዓመት ከ1 ወር ከ3 ቀኑ አንገቱን በሰይፍ ተቆርጦ ሰማዕትነትን ተቀብሏል፡፡ ሲሰየፍም ከአንገቱም ደም፣ ውኃና ወተት የወጣ ሲሆን ሦስት አክሊላትም ወርደውለታል፡፡ ጌታችንም የመከራውን ጽናት የትዕግስቱን ብዛት አይቶ ከመከራ ሊያሳርፈው ፈቀደና ተገልጾለት ‹‹ሰላም ለከ ኦ ፍቁርየ ቂርቆስ›› አለው፡፡ ‹‹ሰላም ላንተ ይሁን፤ የመከራህን ጽናት፣ የትዕግስትህን ብዛት አይቼ ከዚህ ዓለም ድካም ላሳርፍህ መጣሁ›› ብሎ ብዙ ቃልኪዳን ሰጠው፡፡ ‹‹…ስምህ በተጠራበት፣ ቤተመቅደስህ በታነጸበት፣ ስዕልህ ባለበት ቦታ ሁሉ የሕፃናት እልቂት፣ የከብት በሽታ፣ የእህል እጦት ርሀብ፣ ቸነፈር አይደርስም›› የሚል አስደናቂ ቃልኪዳንም ገብቶለታል፡፡ ሕፃኑም በምድር ላይ አልተቀበረም ይልቁንም ጌታችን በኤልያስ ሰረገላ ሥጋውን አሳርጎለታል፡፡ እናቱ ቅድስት ኢየሉጣም በጥር 16 ቀን ሰማዕትቷን በክብር ፈጽማለች፡፡

ለእግዚአብሔር ምስጋና ይሁን፡፡ እኛንም በአማላጅነታቸው የምታመን ሁላችንን
የብርሃናዊውን መልአክ የቅዱስ ገብርኤልን፣ የሕጻኑ ቂርቆስንና የቅድስት ኢየሉጣን ረድኤት በረከታቸውን ያሳድርብን፡፡ በጸሎታቸው ይማረን፡፡